2 lungsod pulos babaye

napares sa mayor, bise

TAGBILARAN CITY, Bohol (PIA) – Duha ka mga kalungsuran sa Bohol ang gipangulohan sa pares nga babaye ug babaye sa labing tag-as nga pwesto.

SUbay sa resulta sa labing uwahi nga piniliay, gikan sa Bohol Commission on Elections Provincial Office, ang duha mao ang gikan sa mga lungsod sa Anda ug Mabini.

Ang duha, parehas nga naa sa ika tulo nga distrito sa Bohol ug ang mayor ug bise mayor mga babaye.

Si Mayor Angelina “Inday,” Simacio ug Bise Mayor Ruby Porter sa Anda ug si Grace “Ongie” Bernales-Lim ug Myra Colis, mao usab ang tandem sa silingan nga lungsod sa Mabini.

Ang duha usab, wala mabungkag gikan sa ilang una nga pagkapili, mosugod sa ilang ikaduha nga termino sugod sa Julyo 1, sama sa 11 ka mga mayor ug 13 ka mga bise mayor nga mga babaye.

Sa mga mayor, bag-ong napil si Esther Patricia sa Balilihan, Mirriam Sumaylo sa Dauis, ug napili pag-usab sila City Mayor Jane Yap sa Tagbilaran ug Janet Ellorimo sqa SIkatuna sa unang distrito.

Sa ikaduhang distrito, napili si Celeste Lerion sa Danao, samtang sa Ubay, bag-o ang mayor nga si Violeta Reyes, u gang ilang mga mayor nga babaye nga napili pag-usab mao sila Janet Garcia sa Talibon, Angelina SImacio sa Anda, Thamar Olaivar sa Candijay, COnchita delos Reyes sa Carmen, Grace Ongie Bernales-Lim sa Mabini.

Sa mga bise mayor, sa unang distrito, bag-ong napili si Cecilia Rebosura-Solomon sa Antequera, Daisy Delambaca sa Panglao ug Delia Lasco sa Tubigon, Joan Cajes-Imboy sa Trinidad ug Juliet Dano sa Sevilla, samtang napili pag-usab ang mga babayeng bise mayor sama nila ni Elsa Tirol sa Buenavista, Wilma Dusal sa Pitogo, Siony Ybanez sa Sagbayan, Ruby Porter sa Anda, Antonia Ladaga sa Garcia Hernandez, Regina Salazar sa Lila, Helen Alaba sa Loboc ug Myra Colis sa Mabini. (PIABohol)