BTr mi-awhag sa publiko sa pag-invest sa RTB31

TAGBILARAN CITY, Bohol (PIA)--Gi-awhag sa Bureau of Treasury (BTr) ang publiko sa pag-apil sa pinakabag-ong retail treasury bonds sa ahensya nga nagtanyag aron makadaginot sa ilang kwarta, samtang nagtabang usab sa nasudnong kagamhanan sa pagtigom og pondo alang sa mga proyekto sa kalamboan sa nasod.

Niadtong Agosto 5, gilusad sa BTr ang Ika-31 nga tranche sa Retail Treasury Bonds (RTB).

Matud pa ni BTr-Bohol Chief Treasury Operations Officer II Chloe Redeja, kini nagpasiugda sa paghatod sa saad ni Presidente Ferdinand R. Marcos, Jr. aron mahimo ang pagtigom ug pagpamuhonan nga ma-access sa matag Pilipino.

Ang RTB 31 usa ka 5 ka tuig nga tenor investment nga adunay gross interest rate nga 6.000% kada tuig, nga bayran matag quarter hangtod sa pagka-mature niini sa Agosto 20, 2030.

Matud pa ni Redeja nga ang ang pagtanyag sa publiko magsugod Agosto 5, 2025 hangtod Agosto 15, 2025.

Uban sa minimum nga pohunan nga P5,000 lang, ang RTBs accessible ug halos walay risgo nga investment instruments nga gigarantiyahan sa tibuok pinansyal nga kapasidad sa gobyerno sa Pilipinas.

Ang tanan nga mga Pilipino, dinhi ug sa gawas sa nasud, dali nga makapahimulos sa ilang kaugalingon sa mga RTB aron makatabang sa pagpauswag sa ilang kinabuhi ug pagsuporta sa mga programa ug proyekto nga prayoridad sa publiko aron makab-ot ang inklusibo nga pagtubo.

Aron maabot ang mas daghang Pilipino, ang mga RTB anaa na sa counter, pinaagi sa online banking, ug labing bag-o sa GBonds pinaagi sa GCash, nga naghimo sa pagpamuhunan nga yano sama sa pagpalit og load.

Sa pakigtambayayong sa Philippine Digital Asset Exchange (PDAX) ug Bonds.ph, ang GBonds nagtugot sa hingpit nga verified users nga mamuhonan sa government bonds sa ubos sa P 500 ug walay bank account nga gikinahanglan. (ECB/PIA7-Bohol)

Dili kinahanglan og dakung puhonan aron mokita. Pag-invest sa RTB 31 diin sa ubos nga kantidad nga ₱5,000, mokita og guaranteed interest matag quarter, ug himuong mas secured ang kaugmaon. (BTr)