DOH nipasidaan sa publiko batok sa

text scam nga no balance billing program

TAGBILARAN CITY, Bohol (PIA)--Nipasidaan ang Department of Health (DOH) sa publiko batok sa mga nikatap nga text scam nga nag-angkon nga adunay refund gikan sa "no balance billing" nga palisiya sa administrasyong Marcos.

Sa usa ka advisory, ang DOH miingon nga ang mga text scam dili gikan sa ahensya.

Gipakita niini ang screenshot sa text message nga nagpakita sa refund nga P8,061.17 gikan sa zero billing policy, nga nag-awhag sa nakadawat sa pagsusi sa gituohang balanse sa GCash.

Gipasabot sa departamento sa panglawas nga ang “Bayad na Bill Mo” (BBM) o ang “No Balance Billing” nga programa ubos sa administrasyon ni Presidente Ferdinand R. Marcos, Jr., libre ang mga serbisyo nga naglangkob sa basic accommodation sa tanang DOH Hospitals alang sa tanang Filipino.

Gipahimangnoan pa sa DOH ang publiko nga likayan ang pag-click sa bisan unsang link gikan sa mga kadudahang numero.

Alang sa dugang updates, bisitaha lang ang DOH official Facebook page https://www.facebook.com/DOHgovPH. (ECB/PIA7-Bohol)

Gipahinumdoman sa DOH ang publiko nga mag-amping sa mga scam sama sa naa sa imahe. (DOH/PIA)