Kapanarbaho-an sa ICT sa

Bohol padaghanon-BICTC

TAGBILARAN CITY, Bohol (PIA)—Gipaningkamotan karon sa Bohol Information Communication Technology Council (BICTC) ang makakuha og mas daghan pang workforce alang sa Bohol nga manarbaho sa industriya sa Information Communication Technology Business Process Management (IT-BPM), ang usa sa nakit-ang may potenstal nga mahimong labing daku nga industriya dinhi.

Kini maoy gipadayag sa presidente sa BICTC nga si Jay Paul Aying, kinsa hauban sa Bohol Economic Development and Investment Promotion Official (BEDIPO) nga si Jude Guieb, personal nga ming guest sa Kapihans a PIA, aron pagpadayag sa mga kalambuan sa Bohol sa IT BPM.

Ang pahayag ni Aying, base usab sa gisulti sa presidente ug chief operations Officer sa IT Business Process Management Association of the Philippines (IBPAP) nga ang “Bohol dili na usa ka emerging site, apan anaa na sa iyang pagkahimong scalable and talent-ready IT BPM hub.”

Kasamtangan nga may dul-an sa 5,000 ka mga IT BPM nga mga fulltime workers na ang Bohol, matud sa BEDIPO, ug may daku pa nga mga expansions nga gipaabut sa mga call centers nga nanian na naglocate sa Bohol.

Upat na ka dagkong call centers nga nagtanyag sa business process management services ang ania dinhi sa Tagbilaran: Ang Task US, Ibex, Gen Pact ug ang Sagility, matud pa sa BEDIPO.

Ug niini, ang GenPact nga nagtanyag sa medical transcriptions ug ang Ibex gipaabut nga magpuno pa sa ilang mga trabahante sa dili pa motapos ang 2025.

Niini, lain na usab nga gatusan ka mga buot makatrabaho sa call center operations and makasulod, hinungdan nga gikampanya sa BICTC ug BEDIPO ngadto sa mga estudyante nga anaa sa mga tunghaans a pagseryoso sa ilang mga pagpangandam aron madali sa pagtransition ngadto na sa call center nga trabaho.

Ang BPM nagtanyag sa Pilipinas sa dul-an na sa $40 bilyones nga revenues ug nagpatrabaho na sa 1.9 milyones ka Pinoy.

Kini usab ang nakita sa BICTC nga daku nga ikatabang kon makasulod ang mas daghan pang mga Bol-anon sa IT BPM. (PIABohol)

MAS DAGHAN, MAS MAAYO. Giaghat ni Jay Paul Aying, presidente sa BICTC ang mga kabataan nga serysohon ang pagpangandam alang sa pagtrabaho sa call center pinaagi sa BPM, kay gawas nga kini magtanyag sa mas daku nga sweldo, daghang benepisyo ug maayong kinabuhi, mas daku usab ang posibilidad nga may personal nga kaugmaran alangs a mas gipangita nga katakus sa industriya. (PIABohol)