NHA mopabati sa isyu sa mga taga

Batasan ngadto sa Housing Board

BATASAN ISLAND, Tubigon, Bohol (PIA)—Gipasalig sa National Housing Authority (NHA) dinhi sa Bohol nga dalhon ngadto sa sunod nga tigum sa Housing Board sa Tubigon ang mga isyu nga gikalibugan usab sa mga mingtambong sa Barangayan sa Bagong Pilipinas, dinhi, Agusto 27.

Didto sa Barangayan, nga us aka kahigayonan nga ikapadayag sa katawhan ug sa kagamhanan ang ilang mga kahingawa sa sitwasyon sa isla nga ang tubig-dagat mosulod na sa mga kabalayan.

Napabantang sa kakuyaw ilabi na sa dautan nga panahon, kon magtaub, ang pagdagko sa bawod, mahimong makabanlas sa mga kabalayan, hinungdan sa possible nga pagka-angol, pagkaguba ug pagka pilde sa kinabuhi ug kabtangan.

Niini, sa paningkamot sa lungsod ug sa abag sa NHA, may pundo nag nakuha alang sa pagpatukod sa 80 ka mga row-houses nga mahimong kabalhinan sa mga taga isla, ngadto na sa mas luwas nga lugar sa Barangay Genonocan sa mainland sa Tubigon.

Gawas sa 270 ka bubong sa mga taga Batasan nga apektado, daghan pa usab nga mga banay ang apektado sa mag isla sa Panggapasan, Bilangbilangan, Ubay, Inanuran sa barangay Matabaw ug isla sa Bagongbanua.

Matud ni NHA Bohol official Genesis Caesar Manalili, kapin sa 300 ka banay ang ilang natumbok nga angayan ipahimutang sa prayoridad sa listahan sa mga makabenepisyo sa unang 80 ka balay.

Apan, nasayran didto sa Barangayan nga 3 ra ka banay sa Batasan ang nahilakip sa priority list, hinungdan nga kini nahimong isyu. (PIABohol)

VALIDO NGA PANGUTANA. Matud ni NHA Bohol Genesis Caesar Manalili, angay usab nga masabtan ngano nga tulo ra ang napili nga taga Batasan nga nahi-apil sa makakuha sa 80 ka balay nga tukoron karong buwana isip ilang kabalhinan, dala sa risgo sa pagpuyo sa isla nga matauban na. (PIABohol)