4.27% pag-ubos sa kaso sa

krimen sa 2025, namatikdan

TAGBILARAN CITY, Bohol (PIA)— Bisan pa og mingsaka og 31 ka kaso o katumbas sa 1.41% ang kadaghanon sa mga kaso nga nagtimaan sa krimen batok sa kalinaw ug kahapsay, kinatibuk-ang nga 218 ka kaso o 4.27% usab ang gi-us-os sa sumada sa mga insidente sa krimen nga natala sa mga blotter sa kapolisan sa Bohol gikan sa Enero 1 ngadto sa Septembre 19, 2025.

Kini kay mikabat lamang usab sa 8.54% o 249 ka mga kaso nga nagtimaan sa public safety ang diperensya sa mga krimen nga nagpanghitabo sa susamang panahon sa i-aging tuig.

Gitaho ni Police Senior Superintendent Patricio Digay, bag-ong hepe sa Bohol Provincial Police Office nga sa Enero 1 ngadto sa Spetember 12, 2024, may 2,917 ka mga kaso sa public safety ang natala.

Sa samang panahon niining 2025, mitala sa mga blotters sa kapolisan sa Bohol ang 2,668 ka nga insidente, diin napakita ang 249 ka kaso nga nakapaubos sa kadaghanon sa kaso sa 2025, tumbok ni Colonel Digay.

Sa mga insidente sa mga kaso ubos sa kahapsay ug kalinaw, gawas sa kaso sa pagpatay nga tinuyo ug dili tinuyo, ang tanang timan-anan, nagpakita sa pag-us-os sa mga kaso.

Ang kaso sa kawat mingatal og 56% nga pag-us-os gikan sa 217 ngadto sa 96, ang physical injuries may 27% nga pag-us-os gikan sa 146 ngadto na sa 106.

Ang kaso sa tulis: gikan sa 40 sa imaging tuig, 38 na karon, ang kaso sa paglugos gikan sa 68 karon kay 59 na, o 13% nga us-os alang sa 9 ka kaso nga diperensya.

Ang pagpangawat sa motor, gikan sa 22, 13 na lang samtang kon may us aka kaso sa pagpangawat sa sakyanan sa 2024, wala pay natala alang sa 2025.

Sa mga krimen sa public safety gikan sa 150 ka kaso, napun-an og 8 ang nadakpan sa 2025, sa espseyal nga balaod sa illegal nga drugas, gikan sa 649 nga nadakpans a 2024, 823 na karon, ug ang balaod sa armas nga mobuto, gikan sa 31 ka kaso sa 2024, 109 na karon sa 2025.

Sa mga pagsupak sa uban nga special laws, gikan sa 311, may 374 na ka kaso karon, samtang sa mga kaso sa Revised Penal Code nga dili sukip sa non-index crimes, gikan sa 446, 338 na. (PIABohol)

UNTA MAPATUNHAY. Nasinati sa Bohol ang 4% ng pag-ubos sa kaso sa kinatibuk-ang mga krimen sa 2025 kompara sa 2024, samtang anaa pa sa pipila ka adlaw nga pagpangulo sa Bohol provincial Police ni Police Colonel Patricio Digay. (PIABohol)