6 entry sa Bohol, 5 sa Siquijor

Alang sa FishCon music video

TAGBILARAN CITY, Bohol (PIA)—Magtigi ang lima ka mga music video entries sa Siquijor ug laing unom ka mga entries sa Bohol alang sa gipahigayon nga bangga sa paghimog kanta nga ikapasalida, isip usa sa mga kalihukan sa Bureau of Fisheries and Aquatic Resources alang sa Fish Conservation Month.

Ang BFAR nagtutok sa mga kalungsuran sa Bohol nga nasakop sa Fisheries Management Area 9 isip lugar usab nga nasulod sa WorldBank-funded Fisheries and Coastal Resilience (FishCORE), ug mga estudyante gikan ning mga lugara ang naka-salmot sa bangga.

Dinhi sa Bohol, gitutokan sa BFAR ang pagpalihok sa mga kabataan aron mahilambigit sa paningkamot alang sa maayong pagdumala sa kahinguhaan sa kadagatan, nga karon mas paspas ang pagkapuo.

Nagtuki sa tema nga Masaganang

Misalmot sa bangga sa music video ang: San Roque National High School sa Alburquerque sa ilang entry nga Ampingi; Baclayon High School sa ilang nga entry nga Bughaw, Dauis National High School sa ilang Padagat, Dimiao National High School alang sa Isda ang ating lipi; Valencia Mayor Pablo O Lim Memorial High School sa ilang Yamang Dagat Ingatan, ug Duero National High School sa ilang Hamon ng BFAR.

Sa Siquijor, ang lima ka lungsod niini nga sakop usab sa FMA 9 diin gipatuman ang FishCORE, nagpadala usab sa ilang salmot: Enrique Villanueva sa ilang Pangisdaang Masagana, San Juan sa ilang Mananagat, Larena sa ilang Gasa sa Dagat pinaagi sa Basac National High School, Lazi sa ilang Gaza ug Maria nga giprepresentahan sa Candaping National High School sa ilang Alon ng Pag-asa.

Ang mga mapili nga manana-ug sa bangga, mahimong morepresentar sa Bohol ug Siquijor ngadto na sa Regional Finals. (PIABohol)