Bohol mipatukod sa P28.4M

Soil, water lab sulod sa BISU

TAGBILARAN CITY, Bohol, (PIA)—Agi og pag-agak sa mga Bol-anong mag-uuma sa pagpili sa kon unsa nga tanom ang momaayo sa yuta nga gitikad, daku kaayo og ikatabang ang bag-ong gibuksan nga P28.4 milyones nga Bohol Integrated Soil and Water Laboratory (BISWL), didto sulod sa Bohol Island State University Bilar Campus, sa Zamora, Bilar, Septembre 6.

Natukod uban sa BISU Bohol, ang BISWL, dumalahon sa usa ka full time chemist ug kuygan sa mga staff kang kinsang buhat, mao ang pag-ila sa mga kinaiya sa mga yuta nga patestingan, ug pagtambag kon unsa nga tanom mo-ayo sa nahisgutang yuta.

Momaayo lamang og tubo ang tanum kon haum niini ang yuta nga gitisokan, mao nga kon pugson gyud og pagpatubo, magkinahanglan sa makalilisang nga abono, nga mahimong kina-ingnan sa polusyon ug dugang gasto nga dili makatabang sa mag-uuma nga makadaginot sa ginansya sa iyang kahagu, kini maoy napaambit sa usa ka website alang sa mga mag-uuma.

Ang Gardenerbible.com mipasabut nga ang paghimo og testing sa yuta nga tamnan, maoy unang angay nga buhatons amag-uuma, aron sayran ang kinaiya ug mga nutrina nga anaa na sa yuta, aron subay niini, pili-on lamang usab ang mo-ayon sa yuta, aron dili na mogasto og daghang abono, patubig ug mapanalipdan ang yuta.

Ug dinhi sa Bohol, ang gitukod nga BISWL, mao nay laboratoryo nga makatabang sa mga mag-uuma pagtumbok kon unsay angay itanom sa unsang matang sa yuta.

Ang pasilidad nga gibuksan ni Gobernador Erico Aristotle Aumentado ug mga opisyales sa BISU, mahimo na nga sentrong laboratory sa soil testing.

Ang soil testing usa ka proseso sa pag-analizar sa pisikla ug kemikal nga kinaiya sa yuta aron ilhon ang iyang komposisyon, estraktura ug ang kahimtang sa katabunok niini.

Alang sa mga mag-uuma, gardener ug mga tigbantay sa kalikopan, kini magtabang kanila sa pagtumbok kon unsay mga sangkap nga kuwang sa yuta para mopatubo sa gitanum, ang kaparaton ug kaaslumon sa yuta ug ang mga mahimong makadaut nga sahug , aron kagiyahana ng mag-uuma sa iyang gikinahanglan nga abono, unsang tanoma ang itiusok ugusay lakang himoon aroin madumala ang nahisgutang yuta.

Sa pagbukas sa pasilidad, ditto sila Provincial Administrator Asteria Caberte, BISU Campus Director Dr. Proceso Castil, BISU VP for Research Ivy Corazon Mangayaay, 3rd District Board Member Nathaniel Binlod, Provincial Agriculturist Liza Quirog, ug mga opisyales. (PIABohol)

SIYENTIPIKONG PANGUMA. Aron dugang kapanalipdan ang Bohol isisp nag-unang geopark sa nasud, makatabang ang BISWL aron dili modali og ka omaw ang yuta , hinuon mas paatiuman ang katambok niini kon dili kini patakaan og sabwag og abono, (PIABohol /PLGU Bohol)