DIDTO SA YAKAP CARAVAN SA MANDAUG

YAKAP Caravan sa PhilHealth

Gisubay ni Presidente Marcos

TAGBILARAN CITY, Bohol (PIA)—GISUGDAN sa Philippine Health Insurance Corporation (PhilHealth) ang pagkampanya sa mas dali nga primary health care services ngadto sa mga kabataan sa Mandaug Elementary School sa Calape, aron tungod kay, matud pa sa Chief Executive Officer sa Philhealth, mas maayo nga mas sayo nga mamatikdana ng mga tu=imailhan sa sakit samtang bata pa, aron mas dali usab kining maatiman.

Gibutyag ni PhilHealth Chief Executive Officer ug president ng si Dr. Edwin M. Mercado, niini nga pamaagi, mas makunhoran ang mga pasyent nga magbitbit og mas komplikado na nga mga sakit ngadto sa mga hospital, diin mas dagku na ang magasto.

Si Mercado mismo ang nanguna sa kompleto nga pwersa sa PhilHealth alang sa ilang Yaman ng Kalusugan Pogram (YAKAP) Caravan, nga gisusi usab ni President Ferdinand Marcso Jr. ug ni Department of Education Secretary Juan Edgardo Sonny Angara.

Human napasa nga balaod ang Universal Healthcare Law (UHL) gilusad usab sa Philhealth ang Konsuta program alang sa libre na nga pagpakonsulta sa tanang katawhan, basta adto na kini himuon sa mga natumbok nga Konsulta providers nga nagpa-accredit sa PhilHealth, matud ni Dr Mercado.

Libre na usab ang bayad sa mga primary care doctors apil na ang 21 ka mga labing gikinahanglan nga mga tambal ug laing pang 13 ka mga labing importante nga mga laboratory procedures, dugang niya.

Ug agi og dugang kampanya alang sa mas himsug nga nasud, gipalapdan pa sa Philhealth ang Konsulta Package nga sukip sa UHL pinaagi sa Yaman ng Kalusugan Program (Yakap).

Aron mas ma-enganyo pa ang katawhan sa pagkuha sa primary care services, sa gipalapdan nga Konsulta nga karon Yakap na, dili lamang 21 ka tambal nga makuha nga libre sa Konsulta Clinics, may 54 pa usab na ka tambal ang mahimong makuha sa katawhan sa accredited nga parmasya, dayag sa doctor nga may lapad nga kasinatian sa community health care.

Gawas pa usab niini, sa mga serbisyo sa laboratory, aduna nay cancer screening, mammogram o pagpaeksamen sa totoy, ultrasound sa totoy ug sa atay, colostomy, low-dose nga CT Scan alang sapag-ila sa cancer, apan kini adto makuha sa mga dagkong pasilidad, tungod usab kay wala kini nga serbisyo sa mga gagmay nga primary care facilities.

Nunot niini, matud ni Mendoza nga ilang gihimo ang Yakap Caravan aron ipaila-ila ang serbisyo, ug didto sa Mandaug Elementary School, tungod kay nagtuo ang PhilHealth nga kon sa mga bata mamatikdan na nga daan nga may posibilidad sa sakit, mas dali kining maatiman ug dili na maapektohan ang pagtubo ug pag-ugmad sa mga kabataan. (PIABohol)

NAMUHUNAN SA KABATAAN. Gikampanya sa Philhealth karon ang sayo nga pagpakonsulta sa mga kabataan, kay kon sayo nga mamatikdan ang timailhan sa grabe nga sakit, mas dali kining maatiman, ug dili na mapakgang ang kaugmaran sa kabataan. Kauban usab sa Philhealth si Presidente Marcos nga mingsusi sa Yakap Caravan didto sa Mandaug, Calape. (PIABohol)