Inflation rate sa Agosto, mas

menos ang epekto sa kabus

TAGBILARAN CITY, Bohol (PIA)—Natandog mag dyutay ang presyo sa mga pili nga palaliton dinhi sa Bohol sa buwan sa Agosto dihang mitala og 1.5 porsyento nga headline inflation kon itandi sa 1.3 porsyento sa Hulyo, alang sa mga panimalay nga ang kita anaa sa ubos nga 30%, kampante pa gihapon sa -3.0 nga inflation rate.

Kini maoy napadayag didto sa labing bag-o nga binuwan nga data dissemination sa rate sa inflation dinhi sa Bohol nga tighimo sa Philippine Statistics Authority (PSA) Bohol.

Sa presyo sa 13 ka nga panginahanglanon ug mga serbisyo nga gimonitor sa PSA, namatikdan nga sa mga kuwang og kinitaan, ang presyo ilang mga panginhanglanon, mas miarang-arang pa gani, nga gitiman-an sa -3.0 nga inflation rate, tumbok ni Jessamyne Anne Alcazaren, Chief Supervising Statistician (CSS) sa PSA Bohol.

Alang sa mga kuwang sa kinitaan, ang pagkaon ug ilimnon nga dili makahubog, niadtong Hulyo, ang iyang inflaruon rata, anaa sa -5.4, nga mingma-ayo pa sa Agosto sa -5.9, giya ni CSS Alcazaren.

Alang kanila nga mga dili daghan ang ikagasto, ang pagpaseguro sa pagkaon naghatag niini sa labingdaku nga 92.4 porsyento sa ilang kita.

Sunod nga gitagan-an sa kita sa mga kabus mao ang edukasyon nga walay paglihok sa presyo ang edukasyon nga may gitagan-an og 2.8% sa dyutay nga kita.

Ming-maayo usab ang dagan sa galastohan sa kalingawan, pa-ugnat sa kusog ug kultura sa buwan sa Agosto alang kanila kay gikan sa Hulyo nga 3.3%, mingluag kini ngadto sa 2.1 % nga mahimong maoy hinungdan nga wala usab kaayo mag-ping-it sa kalisud kay may 2.6 porsyento silang gitagana alang niini.

ANg mga nag-unang galastohan sa mga kabus nga nakatampo sa maayong dagan sa presto sa ilang galastohan mao ang bugas nga mas mingbarato pa sa -20.1% gikan -18.5% niadtong Hulyo, utanon nga -9.1% sa Hulyo nga ming -4.9% na sa Agosto, ang mais nga gikans a -20.6% ming -22.9% sa Agosto, igtutubil alang sa personal nga mga sakyanan nga gikan sa -6.1% ngadto na sa -2.3% sa Agosto ug panakyanan sa kahanginan nga gikan sa -14.5 sa Hulyo, anaa na sa -10.5% sa Agosto. (PIABohol)

MAKAMO MOTIKONGKONG. Lisud man ang kahimtang sa mga dyutay ra og kinitaan, basta matigayun lamang ang presyo sa bugas humay og mais ug mga utanon, bisag unsaon pag dagan sa presyo sa ubang paliton, dili kini kaayo makapatay-og sa mga banay nga makamao na nga ipa-igo ang kinitaan sa galastohan. Matud ni PSA Bohol Jessma Mae Alcazaren, nagpadayon ang pagmaayo sa presyo sa bugas humay, mais ug mga utanon, nga maoy ipaneguro nga mapalit sa mga kabus. (PIABohol)