NACC nipasidaan sa publiko batok sa disinformation sa

pagkadiskobre sa mga foundling o mga batang giabandonar

TAGBILARAN CITY, Bohol (PIA)--Ang National Authority for Child Care (NACC) nipagawas og kusganong pasidaan batok sa pagkaylap sa fake news kalabot sa pagkadiskubre sa mga foundling o mga bata nga giabandonar, nga nagtawag sa maong buhat nga “immoral” ug “demeaning” sa dignidad sa mga bata.

Gi-awhag ni NACC Undersecretary Janella Ejercito Estrada ang publiko nga magmabinantayon ug responsable sa pagpaambit sa mga unverified reports online, ilabi na kadtong naglambigit sa mga masuso nga nakit-an nga walay nahibal-an nga kamatuoran sa pagkatawo o ginikanan.

“It is demeaning to a child, immoral and a plain act of abuse and exploitation (Makapaubos kini sa usa ka bata, imoral ug usa ka yano nga buhat sa pag-abuso ug pagpahimulos),” matod pa ni Estrada sa opisyal nga pamahayag nga gipagawas niadtong Agosto 28.

Gipunting niya nga ang bag-o nga pagtaas sa mga bakak nga mga asoy ug mga post sa social media nga nag-angkon sa pagkadiskobre sa mga foundling daw gimaneho sa pagpangita sa atensyon ug pakiglambigit online.

Si Estrada midugang nga ang maong mga buhat usa ka seryoso nga kapakyasan sa mga paningkamot sa gobyerno sa pagtuboy ug pagpanalipod sa katungod ug dignidad sa mga bata.

Gikutlo niini ang Republic Act No. 11767 o ang Foundling Recognition and Protection Act, nga nagmando nga ang pagdiskubre sa mga foundling pagadumalahon uban ang angay nga kakugi ug tumang pagtahod sa ilang dignidad ug tawhanong katungod.

Matud pa niini nga kini nga uso sa social media usa ka lakang sa pag-atras sa palisiya ug mga paningkamot sa gobyerno aron mahatagan og hingpit nga pagtahod sa kinabuhi ug dignidad sa usa ka bata.

Nipasidan-an usab ang NACC nga ang sirkulasyon sa bakak nga impormasyon nagpahisalaag dili lamang sa publiko apan lakip na sa Prospective Adoptive Parents (PAPs), partners, ug child care advocates nga walay kakapoy nga nagtrabaho aron mahatagan ang mga bata og luwas, mahigugmaon, ug permanenteng pamilya pinaagi sa administratibong pagsagop ug alternatibong pag-atiman sa bata. (ECB/PIA7-Bohol)

Gipasiugda ni NACC Undersecretary Janella Ejercito Estrada nga ang bisan unsang sayop nga kasayuran nga nagpahisalaag sa publiko, Prospective Adoptive Parents, ug ang ilang mga kauban ug mga tigpasiugda nagsilbi nga babag sa ilang kaisog ug paningkamot sa paghatag paglaum ug panimalay alang sa matag bata. (ECB/PIA7-Bohol)