DOLE mokampanya batok

Child labor didto’s Mabini

TAGBILARAN CITY, Bohol, (PIA)—Pangulohan sa Department of Labor and Employment (DOLE) Regional Office VII ang Information ug Service Caravan batok sa Child Labor karong Septembre 10, 2025 didto sa Mabini Gymnasium.

Kini aron mangampanya ug magpasabut sa sulirans a Child Labor ug aron kadunganan sa tanang komunidad ang pagbatok sa pagpatrabaho sa mga kabataan o child labor.

Ang child labor subay sa Republic Act No. 9231, o ang Anti-Child Labor Law, nga nagpugong sa pagpatrabaho sa mga kabataan ug nagtumong pagwagtang na sa tanang matang sa pagpatrabaho sa mga kabataan, samtang palapdan niini ang pagpanalipod sa mga kabataan.

Subay sa balaod, labing ubos nga edad sa mga kabataan nga mahimong manarbaho ubos sa direkta nga pagdumala ug superbisyon sa ginikanan ug magbalantay, 15 anyos ug kini alang sa anaa sa entertainment industry.

Ang mga kabataan nga nanarbaho nga wala pa’y 18 anyos, may gisunod nga estriktong regulasyon sa mga oras tingtrabaho, dili mahimonga manarbaho sa gabii, ug alang samga kabataan nga nakakuha og exemption, may gisubay nga mas estriktong mga gabay sa pagtrabaho, segun sa balaod.

Niini ang DOLE isip Chair sa Regional Council Against Child Labor (RCACL), mobisita sa Mabini alang niining kampanya.

Sa uban nga mga lugar diin gikampanya ang mga programa sa anti-child labor sa DOLE, may mga gipanghatag sila nga mga school supplies, Hygiene kits, sapatos, tsinelas, Bags, ug mga uniporme sa eskwelahan alangs a mga babye ug lalaki , mga pagkaon ug mga tumbler ug sudlanan og tubig mainum.

Didto, matud sa DOLE, ang paghatag alang sa mga bata nga apil sa ilang programa nga Child Labor Prevention and Elimination Program (CLPEP).

Nanghinaot usab ang DOLE nga madala sa mga kaubanan niini ang mahinungdanon nga mga serbisyo nga direktang makatabang sa mga kabataan nga apektado sa suliran ug ikapaasdang ang inambitan nga panaad sa pagpahunong na sa child labor. (PIABohol)

MASINATI ANG PAGKABATA. Niining higayon karon, daghan na nga kabataan ang nahikawan sa kalipay sa pagkabata kay napugos sa mga hagit sa kompetisyon sa eskwelahan ug pagpugos sa pagpanarbaho aron ikaabag sa ginikanan nga makapakaon sa mga sakop sa banay. Kini karon gikampanya sa goberno aron mapaundan na nga bansay. (PIABohol)