Pagpasabot sa Disability Compensation & Welfare Program

gipahigayon isip pagsaulog sa Seafarer’s Day sa Bohol

TAGBILARAN CITY, Bohol (PIA)--Sa pagsaulog sa Seafarers’ Day, usa ka adlaw nga seminar nga may temang “Charting Your Course: Understanding Disability Compensation and Government Programs for Seafarers” ang gipahigayon niadtong Setyembre 30, sa Bohol Cultural Center sa syudad sa Tagbilaran.

Ang kalihokan gipangunahan sa Department of Migrant Workers (DMW), Overseas Workers Welfare Administration (OWWA), National Labor Relations Board (NLRB), National Conciliation and Mediation Board (NCMB), Association of Voluntary Arbitrators in Central Visayas, Inc. (AVAC), ug Maritime Industry Authority (MARINA), sa pakigtambayayong sa Provincial Government of Bohol.

Gitigom sa maong kalihokan ang mga Boholano seafarers ug ilang mga pamilya aron sa pagpalawom sa ilang pagsabot sa mga katungod sa pamuo, mga benepisyo, ug mga programa sa gobyerno nga magamit alang sa ilang kaayohan.

Sa iyang welcome message, gipasiugda ni Bise Gobernador Nick Besas nga ang maong panagtapok nagsilbi nga pahinumdom sa kamahinungdanon sa paghatag- gahum sa mga seafarer nga adunay kahibalo sa ilang mga katungod ug pagsabot sa mga proseso nga nalambigit sa relasyon sa pamuo.

Gipadayag usab ni Besas ang padayon nga pasalig sa Panggamhanan sa Probinsiya sa pagpanalipod sa kaayohan, seguridad, ug kaayohan sa mga Boholano nga seafarers.

Lakip sa mga mahinungdanong diskusyon mao ang disability compensation ug maritime legal nga proseso, mga desisyon sa Korte Suprema sa maritime disability claims nga gipresentar ni Atty. Carlo Pontico Fortuna sa AVAC ug case-handling guidance ni Mario Manuelito Say sa NCMB.

Gipasiugda usab ni OWWA Family Welfare Officer Reymark Madulara ang lain-laing mga programa ug benepisyo alang sa mga seafarer ug sa ilang mga dependents, lakip na ang educational assistance, repatriation services, social benefits, ug ang bag-ong OWWA Mobile App, nga nagtugot sa mga miyembro sa pagmonitor sa ilang status ug access services.

Samtang gituki ni Labor Arbiter Tiburcio Adrian Umbac II (NLRC 7th Division, SRAB VII) ang Jurisprudence on Employment Compensation ug gisundan ni DMW Senior Labor Employment Officer Rommel Gillera on Empowering Seafarers through Programs and Services, ug MARINA Specialist Sweet Aivee Mahilum sa mga updates kabahin sa mga online system nga pamaagi, ug mga aplikasyon.

Ang kalihokan gitapos sa usa ka open forum, nga nagtugot sa mga seafarer sa pagpangutana ug pagpaambit sa mga kabalaka direkta sa mga representante – nga nagpalig-on sa kolaborasyon sa pagpasiugda sa mga katungod, kaayohan, ug paghatag gahum sa mga maritime workers. (ECB/PIA7-Bohol)