PSA birth, marriage, death 

certificates makita na online

TAGBILARAN CITY, Bohol (PIA)--Gipasayon ​​na karon sa Philippine Statistics Authority (PSA) sa mga Filipino ang pagtan-aw sa mga opisyal nga rekord sama sa birth ug marriage certificates online.

Sayo niadtong Hunyo, sila National Statistician ug Civil Registrar General Dennis Mapa nagpagawas og advisory bahin sa Serbilis Website sa PSA.

Ang mga indibidwal mahimong makapangayo alang sa makita nga online nga mga kopya sa PSA certificates – birth, marriage, death, Certificate of No Marriage (CENOMAR), ug Certificate of No Death (CENODEATH) – alang sa sulod sa 60 ka adlaw nga adunay access code.

Ang bayad sa aplikasyon alang sa makita nga online nga mga kopya nagkantidad og P130 (birth, marriage, death) samtang P185 (CENOMAR, CENODEATH), nga bayronon sa bisan unsang PSA Civil Registry System o CRS outlets nga wala magkinahanglan og appointment booking.

Gitandi ni Mapa ang Viewable Online nga serbisyo ngato sa Copy Issuance nga serbisyo, gawas nga ang resulta nga imahe sa dokumento wala gi-imprinta sa usa ka Security Paper.

Hinuon, ang mga indibidwal gihatagan og Web Access Information Slip nga adunay sulod sa web address ug access code aron makita ang dokumento online.

May kapilian usab alang sa gi-imprinta nga mga kopya niini nga mga sertipiko pinaagi sa pag-avail sa PSA's DocPrint nga serbisyo, nga bayran usab sa bisan asang PSA CRS outlets nga dili kinahanglan ang appointment booking sa P80 matag kopya inubanan sa pruweba sa makita nga online copy access code nga gigamit.

Ang duha ka serbisyo kabahin sa Civil Registry System sa PSA – Information Technology Project Phase II nga nagtumong sa pagpausbaw sa paghatod sa civil registration services ngadto sa publiko.

Ang PSA mitambag nga ang pagbayad ug/o pagkuha kinahanglang himoon sa tag-iya sa dokumento, o sa kaso sa namatay nga mga tawo, ang labing duol nga kabanay, nagpasabot nga ang mga awtorisadong representante dili tugotan. (ECB/PIA7-Bohol)

Maayong Balita! Mahimo nang mag-request og birth, marriage, death certificates, CENOMAR ug CENODEATH pinaagi sa Viewable Online sa psaserbilis.com.ph ug ipa-print kini sa pinakaduol nga PSA CRS outlet gamit ang DocPrint – nga dili na kinahanglan og appointment. (PSA/PIA)