DSWD nihatag og katin-awan kalabot sa nikatap

nga hulagway kalabot sa 4Ps validation activity

TAGBILARAN CITY, Bohol (PIA)--Ang Department of Social Welfare and Development (DSWD) Field Office 7 – Central Visayas mi-klaro nga ang hulagway nga nag-circulate karon online nga nagpakita og usa ka nagpadayon nga validation activity alang sa Pantawid Pamilyang Pilipino Program (4Ps), kaniadto pa ug dili bag-o lang.

Base sa DSWD-conducted verification, ang hulagway gikuha atol sa Setyembre 12 validation activity sa Barangay Looc, lungsod sa Jagna, Bohol, niadtong Marso 2023.

Gi-klaro sa departamento nga walay 4Ps validation activities nga gihimo o gikatakda sa 2024 ug 2025.

Gipahimangnoan sa DSWD ang publiko batok sa pagpaambit sa wala pa matino o karaan nga mga materyales sa social media, tungod kay kini mahimong hinungdan sa sayop nga impormasyon ug kalibog mahitungod sa pagpatuman sa mga kalihokan sa 4Ps.

Samtang gisubli sa departamento nga pinaagi sa Republic Act No. 11315 (2019), o Community-Based Monitoring System (CBMS) Act, ang 4Ps magamit na sa CBMS isip bag-ong sumbanan ug opisyal nga basehan sa pag-ila sa mga kabus nga panimalay.

Tungod niini, ang DSWD nagpahibalo sa publiko nga ang mga panimalay nga anaa karon sa waitlist o kadtong giklasipikar ubos sa Client Status 21 (CS 21) dili na ipadayon ingon potensyal nga benepisyaryo sa 4Ps.

Bisan pa niin, kung ang usa ka panimalay ubos sa CS 21 o sa waitlist nakit-an nga kabus sa CBMS, basin maapil pa ni sa 4Ps program.

Ang DSWD nag-verify ug nagsunod sa husto nga mga pamaagi alang niini nga paglakip.

Gipasalig usab sa DSWD sa tanan nga gipatuman niini ang proseso aron masiguro nga ang tabang sa 4Ps maabot ra sa mga pamilya nga tinuod nga nanginahanglan niini.

Nanawagan ang DSWD sa publiko nga sundon ang mga verified social media pages niini pinaagi sa Pantawid Pamilyang Pilipino Program -https://www.facebook.com/DSWDPantawidPamilya ug DSWD Field Office7—Central Visayas — https://www.facebook.com/dswdfo7 alang sa impormasyon ug mga pahibalo. (ECB/PIA7-Bohol)

Gi-klaro sa DSWD nga kaniadto pa ug dili bag-o lang kining hulagway nga nagpakita og usa ka nagpadayon nga validation activity alang sa Pantawid Pamilyang Pilipino Program (4Ps). (hulagway sa DSWD)