PhilHealth mipasalig sa benefit

coverage alang sa trangkaso

TAGBILARAN CITY, Bohol (PIA)--Nagpahinumdom ang Philippine Health Insurance Corporation (PhilHealth) sa mga Pilipino nga hingpit nilang pahimuslan ang mga benepisyo niini alang sa pagtambal sa mga sakit nga sama sa trangkaso o influenza-like illnesses, nga nagpasiugda sa papel sa gipalambo nga primary care package.

Gi-awhag ang mga miyembro nga mokonsulta dayon sa ilang gipili nga YAKAP Clinic kung makasinati og sintomas nga sama sa trangkaso.

Ang benepisyo sa PhilHealth YAKAP naghatag og coverage alang sa mga konsultasyon, importanteng mga tambal, mga laboratory test, kung girekomenda sa nag-unang doktor.

Kini nga pakete gidesinyo sa pagpasiugda sa paglikay og sayo nga pag-ila sa sakit aron makatabang sa pagpugong sa pinansyal nga kalisod sa mga miyembro subay sa direktiba ni Presidente Ferdinand R. Marcos Jr. sa pagsiguro sa usa ka himsog nga nasud.

Ang PhilHealth nag-awhag sa tanang Pilipino sa pagpili ug pag-apil sa YAKAP Clinic aron makapahimulos sa mga benepisyo sa primary care, pinaagi sa eGovPH app, Member Portal nga ma-access pinaagi sa website sa PhilHealth, o sa pinakaduol nga PhilHealth Local Health Insurance Office.

Dugang pa, gisiguro sa PhilHealth ang pagkasakop gikan sa pagsugod sa grabe nga mga sintomas. Ang mga pasyente gidali sa Emergency Room ug giklasipikar nga emergent o kritikal nga sakop sa Outpatient Emergency Care Benefit Package.

Naghatag usab ang PhilHealth og P12,870 nga case rate package alang sa mga kaso sa influenza nga nanginahanglan sa pagka-confine, nga adunay bulag nga package rate nga magamit alang sa mga kaso nga adunay mga komplikasyon sama sa pneumonia.

Si Dr. Edwin M. Mercado, Presidente ug CEO sa PhilHealth, nipahinumdom sa publiko dili lang sa mga benepisyo nga magamit kondili sa kamahinungdanon sa paglikay.

Gi-awhag niini ang tanan sa pagpahimulos sa ilang benepisyo sa PhilHealth YAKAP ug matud pa dili hulaton nga mograbe ang ubo, hilanat, o sip-on. Gi-awhag usab niya nga unahon ang simple nga preventive measures sama sa manghugas kanunay sa mga kamot, tabonan ang baba ug ilong kung mo-ubo o mobahing, ug likayan ang mga lugar nga daghang tawo kung nasakit na. (ECB/PIA7-Bohol)

Gi-awhag sa PhilHealth ang mga miyembro niini nga mokonsulta dayon sa ilang gipili nga YAKAP Clinic kung makasinati og sintomas nga sama sa trangkaso. (PhilHealth/PIA)