Pagpatuman sa 'Tatak Pinoy 

Strategy' gimando ni PBBM

TAGBILARAN CITY, Bohol (PIA)--Gi-aprobahan ni Presidente Ferdinand R. Marcos Jr. ang Tatak Pinoy Strategy (TPS), usa ka komprehensibo nga nasudnong plano sa pagpalig-on sa mga industriya sa Pilipinas, pagpausbaw sa lokal nga produksyon, ug pagpauswag sa global competitiveness sa mga produkto ug serbisyo sa mga Pilipino.

Gilagdaan ni Presidente Marcos ang Memorandum Circular No. 104, nga nagmando sa tanang ahensya sa nasudnong kagamhanan, government-owned or -controlled corporations (GOCCs), ug local government units (LGUs) sa pagsuporta sa pagpatuman sa estratehiya, nga gimugna sa Tatak Pinoy Council pinaagi sa Department of Trade and Industry (DTI) pinaagi sa konsultasyon sa mga key stakeholders.

Ang MC 104 naglatid nga ang Republic Act (RA) No. 11981, o ang “Tatak Pinoy (Proudly Filipino) Act,” gipatuman aron sa pagdasig, pagsuporta, ug pagpasiugda sa produksyon ug pagtanyag sa mga produkto ug serbisyo sa Pilipinas nga nagkadaiya, sopistikado, ug globally competitive.

Ang DTI miingon nga ang TP Council nag-umol sa TPS pinaagi sa usa ka inclusive, consultative, ug evidence-based nga proseso sa koordinasyon sa mga ahensya sa gobyerno, sektor sa negosyo, research institutions, ug uban pang importanteng stakeholders.

Ang TP Council gimanduan usab sa paghimo ug pagsumite alang sa pag-apruba sa Presidente sa Tatak Pinoy Strategy (TPS), nga maglatid sa estratehiya ug mga plano sa aksyon sa nasyonal, probinsyal, syudad, ug municipal nga lebel, aron sa pagpalapad ug pag-diversify sa mga produktibong kapasidad sa mga domestic nga negosyo ug paghatag og gahum kanila sa pagprodyus og mas sopistikado nga mga butang ug mga serbisyo nga mahimong makigkompetensya sa tibuok kalibotan nga mga butang ug mga serbisyo.

Ang DTI, sa pakig-alayon sa Presidential Communications Office (PCO), gimandoan sa pagsabwag sa opisyal nga kopya sa TPS ngadto sa tanang hingtungdan nga ahensya ug opisina sa gobyerno, ug paghimo sa TPS nga ma-access sa publiko pinaagi sa opisyal nga website sa DTI ug uban pang angay nga plataporma aron mapalambo ang transparency ug pakiglambigit sa stakeholder. (ECB/PIA7-Bohol)

President Ferdinand 'Bongbong' Marcos Jr. (PCO file photo)