Inflation sa Sept 2025: 1.4%

Gikan sa 1.5% sa Agosto,’25

TAGBILARAN CITY, Bohol, (PIA)— Gikan sa dyutay nga paglihok sa presyo nga namatikdan niadtong mi-aging Agosto, mibalik ngadto sa 1.4 porsyento ang dagan sa tinuig nga paglihok sa presyo sa mga nag-unang paliton dinhi sa Bohol.

Kini maoy gibutyag ni Philippine Statistics Authority (PSA) Chief supervising statistician Jessamyne Anne Alcazaren didto sa binuwan nga press conference nga magpadayag sa binuwan nga dagan sa presyo sa mga paliton nga nahi-apil sa listahan sa gimonitor sa PSA.

Matud sa PSA, ang paglihok sa presyo sa Septembre, naapektohan sa: pabalay, tubig, koryente, gas ug uban nga igsusugnod na may 7.0 % nga inflation; ang information ug communication nga mitala sa 0.0% inflation sa Septembre gikan sa 0.8 % sa Agusto, ug sa kasanihan (health) nga mingtala og 1.7 % nga pagsibog sa presyo.

Apektado sa labing dagkong nakatampo sa inflation sa Septembre ang pabalay, tubig, koryente, gas ug uban nga igsusugnod nga may 1.7% nga palihok apan miangkon sa 114.4 % sa pahat; mga muwebles, kahamitan sa panimalay ug panagsang trabaho pagmintinar sa balay nga may 3.7% nga paglihok unya miangkon sa 11.0 % nga pahat sa galastohan ug transport nga may 1.0 inflation rate apan miangkon sa 8.7% sa epekto sa pagsibog sa presyo.

Nunot niini, ang ginagmay nga pagsibog sa presyo, mahing dili kaayo makaapekto sa mga kabus ug kadtong anaa sa ubos nga 30% nga hugna sa mga banay, natala sa -2.2% nga pagsibog sa presyo.

Sa -2.2 % nga inflation, kini nagpasabut nga sa mga utangan, mas dyutay ang interes sa ilang gihulaman, ug generally, may mas daghan sila og mapalit sa ilang gihutang kwarta.

Ug tungod sa -2.2% nga inflation, nga gidunganan sa P500 karon nga minimum wags sa Bohol, kini nagpasabut nga may mas taas nga gahum nga makapalit ang mga kabus nga banay sa mas nalansang nga presyo.

Sa Agosto sa miagi nga tuig, ang inflation rate sa ,ga kabus nga naa sa ubos nga hut-ong sa katilingban, sa miagi nga Septembre 2024, ang inflation diha pa sa 4.2%. (PIABohol)

DILI KAAYO MABATI. Matud ni PSA Bohol Jessamyne Alcazaren, tungod sa ka gamay sa 1.4%, ang paglihok sa presyo, mahimong dili dayun mabati sa mga kabus. Apan ang ubos nga inflation, magpugong sa pagpasaka sa tubo sa mga pahuwam ug mga utang, nga makaayo sa mga kabus nga nangutang. (PIABohol)