Microdot Lending, Credit Cash, Go Peso

Credit Peso, Cash Baka, Cash Mabilis

Gipahumong ang illegal nga operasyon

TAGBILARAN CITY, Bohol, (PIA)—Rehistrado man sa Securities and Exchange Commission (SEC) isip korporasyon nga nagpahuwam, ang Microdot Lending Corporation, nga may Certificate of Authority na unta sa iyang Credit Cash, Credit Peso, Cash Baka, Cash Mabilis ug Go Peso, apan nadamay sa ilang pagpadagan sa wa i-rehistro nga Credit Peso Pro Ug MF Cash, nga maoy nakaingon nga gipaundang sila sa ilang operasyon.

Tungod niini, nakasupak ang korporasyon sa Section 3 sa SEC Memorandum Circular No. 19 nga (SEC), nagmandu sa tanang financing ug lending companies sa pagpatin-aw sa ilang corporate names, SEC registration number, ug Certificate of Authority (CA) sa ilang advertisements ug online lending platforms.

Gimandu usab sa MC ang pagpahibaw sa SEC niining mga online lending platforms nga gipadagan, samtang nagbutang sa mga silot kon dili kini matuman, nga naglakip usab sa pagtangtang sa natugyan na unta nga lisensya.

Kahinumduman nga ang Microdot Lending Corporation, una na nga gipadalhan sa Cease and Desist Order niadto pang Abril, samtang nagpadayaon usab ang mga reklamo batok sa korporasyon sa ilang dili maayong bansay sa pugos nga pagpaningil, nga supak sa SEC Foreign Corrupt Practices Act implementing rules and regulations.

Nunot niining tanan ug sa pagpagahi-gahi sa korporasyon sa p[agpadayon sa ilang operations, suspendido ug dili na tuogtan pang makanegosyo ang Microdot Lending Corporation ug ang ilang Online Lending Platforms lakip na ang mga tawo nga nagpadagan niini, segun pa ni SEC Director Sheara Lupango-Tamayo. (piabOHOL)