MOA sa buwaranan og guso

sa Pinamgo, buot ipatuman

TAGBILARAN CITY, Bohol, (PIA)—Pagtugot na lamang sa Sangguniang Panlalawigan (SP) aron kalagdaan ni Gobernador Erico Aristotle Aumentado ang Memorandum of Agreement aron mapatinuod ang damgo sa mga tigpang guso sa isla sa Pinambgo sa Bien Unido.

Ug dagway og giduso na sa SP Committee on Agriculture ang sugyot ngadto sa SP nga tugotan ang gobernador nga sugdan ang tinabangay aron hiusahan ang kaugmaran, sa gilaraw nga buwaranan sa guso sa mga Nagkahiusang Gagmayng Mananagat sa Pinamgo (NAGAMPI).

Kahinumduman nga ang mga mangingisda ug manguguso sa isla sa Pinamgo sa Bien Unido, una na nga minghangyo gni Gobernador Erico Aristotle Aumentado nga tabangan sa ilang gipangadoy nga buwaranan og guso, nga ikaabag sa ilang mga panginabuhian sa isla.

Niini, nasayud usab ang Kapitolyo nga ang Pilipinas usa sa mga labing dako nga tigtampo sa panginahanglan sa binuwad nga guso sa tibuok kalibutan.

Ang guso, gihumong sahog sa mga kapsula, magpagahi sa pagkaon sama sa gulaman, mga pangpagwapa (cosmetics), toothpaste, gels ug daghan pang kaganitan sa natad sa tambal ug giproseso nga pagkaon.

Niini, daghang mga banay sa mga isla sa amihhanang sidlakan sa Bohol ang nagtutok sa pagpananum og guso, tungod sa haum ang ilang maga kadagatan ug kini na ang nahimong gisaligan sa daghang banay nga mangingisda.

Apan, nagsagubang sa kakuwang sa pasilidad nga makasuporta sama sa buwaranan aron may ikabaligya, daghan ang nabugnaw sa pagpaningkamot og maayo.

Niini, sa pagtinabangay ug pagsabut sabut s amga ahensya nga makatabang sa Pinamgo, namugna ang us aka Memorandum og Agreement nag naglatid sa mga gimbuhaton ug responsibilidad sa mga makatabang niini.

Kon makahatag ang NAGAMPI og 100 ka metros kwadrado nga luna nga itahan ngadto sa kagamhanan ug manaad ang kahugpungan sa mga mangguguso nga mohatag sa ilang kusog pagtrabaho sa gipangayo nga pasilidad ug pagdumala ug mintinar niini, andam ang Kapitolyo nga mopagawas og pundo alang sa maong pasilidad, magtanyag sa teknikal nga tabang sa pagsuperbisar, pagmonitor, pagpaayon kon maguba, paghatag sa mga interbensyon aron maseguro nga kini mutunhay.

Ang Bureau of Fisheries and Aquatic Resources (BFAR-7) ang motubag sa teknikal nga tabang sa pagtudlo sa pagdumala ug pagpadagan, logistical support, paghitsas sa mga sakop sa gikinahanglang katakus sa pagdumala niini.

Sa laing bahin, ang LGU Bien Unido pinangulohan ni Mayor John Felix Garcia maoy magtumbok sa mga benepisaryo, magtumbok sa butangan sa pasilidad, magtudlo sa mga tawo nga mangulo sa modumala, maghatag sa binuwan nga taho nagdto sa Kapitolyo ug magbuhi og pundo alang usab pagsuporta niini. (PIABohol)