Price control kon may declarasyon

Sa state of emergency, calamity

TAGBILARAN CITY, Bohol, (PIA)— Kun may pagdeklara lamang sa katalagman ug gipailawom ang us aka lugar sa state of emergency, mahimo makadeklara ang kagamhanan sa paghimo og price freeze nga magpalansang sa mga presyo sa manufactured nga nag-unang paliton ug panginahanglan sa presyo sa wala pa ang katalagman.

Kini nga deklarasyon nga mahimo sa usa ka local nga kagamhanan nga mingsinati sa emerhensya, magpugos sa Department of Trade and Industry (DTI) sa pagpatuman sa pagkontrolar sa presyo sa mga paliton, pasabut ni Trade and Industry Specialist Mary Lou Torreon sa local nga DTI.

Iya usab nga gipasabut nga ang pwede nga mga presyo nga ilangsang sa DTI, kadto lamang mga manufactured goods nga ming-agi na sa proseso sas planta ug may kaugalingon nga Suggested Retail Prices (SRP).

Ang SRP maoy gisugyot nga presyo sa usa ka produkto nga gisugyot sa product manufacturer aron ikabaligya sa retailer isip iyang selling price.

Kini sa pagsalig nga nga manufacturer mas nakahibaw sa bili sa produksyon sa nahisgutan nga produkto ug mas nasayud sila sa ika presyo subay sa ilang sugyot ngadto sa DTI.

Sa uban nga mga nag-unang paliton nga wala na moagi sa planta, sama sa bugas, utanon, prutas, mais, isda, mga preskong pagkaon gikan sa dagat ug buwad.

Milaum ang DTI nga ang Department of Agriculture, Department of Health, Department of Environment and Natural Resources, Department of Energy ug ang local nga mga kagamhanan nga maoy naghatag og prangkisa ug business permit mao na usab ang mohimo sa pagpatuman sa gilansang nga presyo subay sa deklarasyon sa kalamidad.

Dugang ni Torreon nga ang price freeze, mahimo lamang epektibo sa 60 ka adlaw ug dili na kini ma-inat pa. (PIABohol)

PANAHON SA KALAMIDAD. Kon may deklarasyon sa kalamidad lamang makahimo ang mga tinugyanan sa pagpatuman sa price freeze, ug kini molanat lamang og 60 ka adlaw, pasabut ni DTI TIDSS Mary Lou Torreon. (PIABohol)