Pagmingaw sa mga turista

Dili lang nasinati sa Bohol

TAGBILARAN CITY, Bohol, (PIA)—Kon nihinay ang turismo segun sa namatikdan nga pagmingaw sa mga kanhi nagpunsisok nga turista sa mga destinations sa Bohol, dili kini sa Bohol lamang, sukwahi sa mga gipasa-pasa nga mga reklamo kunohay.

Ug labaw na nga ang pagkawala sa mga Koreano may kalambigitan sa pagpasira sa whale watching interaction ug sa Virgin Island sa Panglao.

Gani, kasagaran nga mga nangreklamo sa paghinay sa turismo nga mingpahid sa pagkahagsak ngadto sa mga local nga opisyales, kadto ra usab nga mga kolorum, mga walay rehistro ug manigbasay nga nawad-an sa ilang gisaligan nga panikas, ug naka-angin sa mga lehitimong trabahante sa industriya, segun pa sa usa ka kasaligan nga tinubdan nga duol sa Provincial Tourism Council.

Kon saligan ang unod sa gipadayag sa Philippine Hotel Owners Association (PhilHOA) pinaagi sa ilang Presidente ug Executive Director Benito ‘Bong’ Bengzon, ang paghinay sa pag-abut sa mga turista, nasinati sa tibuok Pilipinas ug gani sa kadaghanan nga mga nasud sa Asya.

Didto sa Bohol Tourism Business Forum, nga gipasiugdahan sa Bohol Chamber of Commerce and Industry didto sa Metrocenter Hotel, October 7, gipadayag ni Benito Bong Bengzon ang namatikdan nga pagkahilis sa mga turista nga kasagaran mamatikdan usab sa kadaghanon sa mga mosulod sa mga hotels nga sakop sa PhilHOA.

Si Bengzon, kinsa kanhi Department of Tourism Undersecretary for Tourism Development and Planning ug kasamtangan nga Philippine diplomat sa Maldives, mipakita sa pagtuon sa Leechiu property Consultants kabahin sa Hotels, Tourism ug Leisure nga nagbutyag nga ang mga nagduol nga nasud, misinati og -7.4 percent nga pagkunhod sa turista.

Hinuon, ang Japan ug Thailand nakapakita og positibo nga pagdaghan sa ilang arrivals dinhi apan single digits sama sa 1.19% nga nasinati sa pagdagsang sa mmga taga Thailand ug 18.52% NGA Japanese tourists.

Sa tibuok nasud, human napausob ang baruganan sa Pilipinas batok sa China, ming-us-os og -24.40%, ang labing daku u gang gikan sa Indonesia nga mikunhod og -23.99%, matud ni Bengzon.

Sa mga turistang South Koreans, mi-ubos sa -18.59%, samtang -22.49% na lang sa Taiwanese tourists ang nakalagbas sa nasud.

-4.89% usab ang pagkanaug sa Chinese Hongkong tourist arrivals also slowed with only 55,264 checking in for a -4.89% samtang ang Malaysian arrivals mingus-os pag -2.66%. (PIABohol)

DI LAMANG SA BOHOL. Si kanhi DOT Usec Bong Bengzon (tupad ni Atty Doy Nunag) sa tunga, mipadayag nga dili lamang sa Bohol kon dili sa tibuok Pilipinas ug sa mga nasud sa Asya ang pagsinati sa paghinay sa turismo. (PIABohol)