ATI nipasidaan sa batok 

sa mga mangingilad

TAGBILARAN CITY, Bohol (PIA)--Gi-klaro sa Agricultural Training Institute (ATI) nga walay mga indibiduwal o organisasyon ang awtorisado nga mogamit sa ngalan sa buhatan, mga opisyal ug kawani niini, alang sa pag-solicit ug pangayo og pondo.

Gipasidan-an sa ATI ang ilang mga suppliers, contractor, consultant, mga ahensya sa gobyerno, ug ang kinatibuk-ang publiko nga magmabinantayon pag-ayo sa mga transaksyon ilabina niadtong naglambigit og mga bayad.

Kini human sa pipila ka gikataho nga dili maayo nga mga kalihokan nga nagpakaaron-ingnon nga mga opisyal o kawani sa ATI aron ipatuman ang mga ilegal nga kalihokan, ug alang sa bisan unsang paagi ug kapasidad.

Ang ATI usa ka ahensya sa gobyerno sa Pilipinas ubos sa Department of Agriculture (DA) nga responsable sa pagbansay sa mga mamumuo sa pagpalawig sa agrikultura ug sa ilang mga kliyente; pagpahigayon ug multi-level nga mga programa sa pagbansay aron sa pagpalambo ug pagpadali sa kauswagan sa kabanikanhan; ug pagsiguro nga ang mga resulta sa panukiduki ipahibalo sa mga mag-uuma pinaagi sa angay nga pagbansay ug mga kalihokan sa extension. (ECB/PIA7-Bohol)

Nipasidaan ang ATI nga walay mga indibidwal o organisasyon ang awtorisado nga mogamit sa ngalan sa buhatan, mga opisyal ug kawani niini, alang sa mga kampanya sa pagpangayo ug pagtigom og pondo. (ATI/PIA)