GSIS nag-aghat sa mga nabiktima

sa bagyo: iduso ang inyong claims

Giaghat sa Government Service Insurance System (GSIS)ang mga ahensya sa kagamhanan ug mga sakop niini nga dali-on na ang pagduso sa mga insurance claims aron mas mapadali sa kagamhanan ang pagpahiuli ilabi na sa pagkadusmog dala sa nagsunod nga mga bagyo nga Tino ug Uwan.

Kahinumduman nga ang duh aka nagsunod ng mga bagyo minglampurna sa bagang bahin sa nasud ug kini ang hinungdan sa pagkadaut sa mga kabtangan ug kinabuhi.

Gawas sa mga kabalayan nga gipanglunopan, may mga sakop usab sa GSIS nga may gihuptan nga mga insurance policies sa mga sakyanan nga nalunopan.

Saad sa GSIS, ilang ipahimutang sa una nga prayoridad ang pagproseso sa mga claims sa mga sakop, aron makatanyag og tabang pinansyal nga makahupay sa mga apektado.

Matud pa ni GSIS President and General Manager Wick Veloso nga taliwa niining nagsunodsunod nga mga kalamidad, ang panaad sa GSIS nga motabang sa mga sakop ug sa nasud nga makabangon dayon sa kalisud sa labing dali nga panahon, nagpabilin.

Ug ang pagpa-insure sa mga kabtangan us aka pamaagi sa pagpahimutang og luwas nga kahagbongan sa panahon sa katalagman, ug niinim dugang ni Veloso nga ang GSIS magpasalig nga ang mga sakop nga makadawat dayun sa ilang mga benepisyo nga insurance sa walay langan.

Aron makasugod og proseso sa mga claims, ang mga may insurance sa GSIS, gikinahanglang makapahibaw sa GSIS sa dili pa magsugod sa pormal nga pag-andam sa mga dokumento, aron matimbang usab sa ahensya kon unsa nga matang sa suporta ang itanyag.

Ang GSIS Contact Information alang sa Claims Notification, mahimo pinaagi sa GSIS 24/7 Hotline, o alang sa Globe ug TM subscribers: 1-800-8-847-4747, o sa Smart, Sun, ug TnT subscribers: 1-800-10-847-4747.

Ang Claims Department: makontak sa Property and General Insurance Claims (Non-Motor Car): Phone: (02) 7-976-4900, local 4460 o 4472, o pinaagi sa pag-email: NonMotorClaims@gsis.gov.ph, o Motor Car Claims sa Phone: (02) 7-976-4900, local 4654, 3305, 3441, 3446, o 3342, ug I email sa: MotorClaims@gsis.gov.ph (PIABohol)