P64 M pundo sa MAIFIPP para

Sa 10 ka tambalanan sa Bohol

TAGBILARAN CITY, Bohol (PIA)— Kinatibuk-an nga P64 milyones ang kantidad nga ibubo sa Kapitolyo ngadto sa napulo niini ka mga tabbalanan isip pundo alang sa Medical Assistance to Indigent and Financially Incapacitated Patients Program (MAIFIPP).

Kini maoy nakaykay nga kasayuran gikan sa Sangguniang Panlalawigan (SP) sa Bohol kinsa gipangayoan ni Gobernador Erico Aristotle Aumentado sa pagtugot nga molagda tali sa Department of Health Center for Health and Development sa Central Visayas sa usa ka Memorandum of Agreement.

Kini nga MOA alang sa pagpadagan sa pangbayad sa ospital ug mga tambal, mga medical procedures sama sa mga operasyon, pagpa-ospital ug bayad alang sa mga doctor ug nurses nga nagtanyag sa pag-atiman sa mga nasakit, nga mas nailhan nga MAIFIPP.

Ang MAIFIPP, usa ka flagship program sa kagamhanan agi og abag alang sa mga kabus ug kadtong anaa sa lisud nga kahimtang.

Kini pinaagi sa paghatag og pinansyal nga suporta sa mga kabus ug walay ikabayad sa serbisyo sa accredited nga tambalanan aron maseguro nga walay kwarta nga nasayang.

Ang programa mag-abag sa balayronon sa mga gikinahanglang serbisyo sama sa tambal ug medisina, medical ug mga prosedures sa laboratoryo, pagpuyo sa ospital, bayad sa doctor ug mga nurses ug uban pang gikinahanglang medical nga serbiosyo nga kasagaran makapugong sa tawo nga moadto sa tambalanan.

Ang MAIFIPP gipundohan pinaagi sa Special Provision No. 6 sa Republic Act No. 12116 (o ang General Appropriations Act of 2025), nga natugot sa DOH nga makatanyag og hinabang sa kwalipekado nga mga pasyente.

Sa gisugyot nga pundo, subay sa MOA nga gilagdaan, itugyan na usab sa nga kalungsuran .

Ang pundo nga gitagana and mosunod: Candijay Community Hospital (P 6,252,000.00), Catigbian District Hospital (P 4, 455, 000.00), Clarin Community Hospital (P 5, 955, 000.00), Cong. Natalio P. Castillo Sr. Memorial Hospital (P 5, 955, 000.00).

Cong. Simeon G. Toribio Memorial Hospital Carmen (P 5, 252, 000.00), Francisco Dagohoy Memorial Hospital (Inabanga) P 5, 955, 000.00, Garcia Memorial Provincial Hospital (P 8, 555, 000.00), Maribojoc Community Hospital (P 9, 955, 000.00), President Carlos P. Garcia Municipal Hospital (P 5, 955, 000.00) ug ang Teodoro B. Galagar District Hospital (P 6, 046, 000.00)

Matud ni Gob Erico Aristotle Aumentado, kini nga mga pahat, gitumong aron makapalig-on sa kapasidad sa Bohol sa pagtanyag sa abtik, mangiluloy-on ug de-kalidad nga serbisyo panglawas ilabi na ngadto sa mga kabus ug mga kapus sa pangita ug anaa sa kalisud.

Nunot niini, gipaabut ang SP sa paghatag sa pagtugot sa gobernador nga makiglagdaay sa MOA tali sa DEH CHD pinaagi ni Dr. Joshua G. Brillantes, Regional Director sa DOH-CHD, alang niini. (PIABohol)