Bohol: regional Outstanding

SubayBAYANI implementor

TAGBILARAN CITY, Bohol (PIA)—Lab-as pa sa pagdawat sa pasidungog isip Exemplary kauban sa 15 ka mga lalawigan sa Pilipinas sa pagpatuman sa mga proyektong pang imprastraktura dinhi, lain na usab nga pasidungog ang nakuha sa Bohol sa Subaybayan nga programa.

Karon lamang, top performer ang Bohol sa Rehiyon 7 sa pagpatuman niini sa proyektong imprastraktura nga gipundohan sa nasudnong kagamhanan.

Gitunol ang pasidungog gikan sa Department of Interior and Local Government (DILG) ngadto kang Gobernador Erico Aristotle Aumentado Miyerkules, Disyembre 17, sa usa ka yano nga seremonya sa pagtugyan didto sa sulod sa Buhatan sa Gobernador, didto sa Kapitolyo.

Si DILG Bohol Provincial Director Johnjoan Mende ang mingtunol sa pasidungog isip Outstanding Province sa SubayBAYAN ug nahimong SUBAYBAYANI awardee, ngadto kang Aumentado kinsa nagdala sa pangalan sa Bohol.

Ang SubayBAYANI Awards us aka mekanismo sa DILG nga magt-ila sa nga outstanding LGUS sa ilang pagpatuman sa imprastraktura, nagpakita s amga binag-ong pamaagi nga makaayo alang sa goberno ug magpasayon sa pagpanubag sa mga opisyales.

Kini usab nga Awards magduso sa mga komunidad nga manginlabut sa pagpatuman sa mga proyekto aron may tataw nga makit-an nga epekto nga makaayo sa kadaghanan sa katawhan.

Pasidungog nga itanyag sa mga LGUS nga nakakompleto sa pagpatuman sa mga proyekto nga gipundohan sa Local Government Support Fund ug sa 20% local development Funds, nagtuo ang DILG nga kini makapaaghat sa pagduso sa dayag, ug inambitan nga pagpa-ugmad sa imprastraktura, matud ni DILG PD Mende.

Sa nadawat nga pasidungog, diretso na ang ngadto sa nasudnong bangga sa SubayBAYANI sa sunod tuig, matud ni Local Govt Operations Officer Erica Nicole Corona.

Kini usab tungod kay sa Region 7, ang Bohol ra ang may LGSF nga proyekto ug may lain pang proyektong imprastraktura nga gipundohan sa Lokal nga 20% Development Fund. (PIABohol)

DAYAG NGA INFRASTRUCTURE GOVERNANCE. Sa pag-enrol sa Bohol sa DILG SubayBAYAN, iyang gitahan na ang katungod sa tanan nga Makita ang dayag nga pamaagi sa pagpatuman sa proyekto, ang mga milestones niini u gang mga suliran, aron mas daghan ang makatabang og subay, pasabut ni DILG PD JohnJoan Mende. (PIA)