RiMO curls, dili junkfood,

Matud sa nurse sa DepED

TAGBILARAN CITY, Bohol (PIA)— Dagway gyud siya og chitchiria, apan ang wala mahibaw-I sa mga ginikanan nga nangreklamo kabahin sa kalidad sa pagkaon nga gihatag alang sa School-Based Feeding Program (SBFP) sa Department of Education (DepED), nga ang gireklamo diay, hinimo sa ginaling bugas ug monggos.

Ang gireklamo, mao ang Rice-Mongo Curls, nga gihatag sa DepED alang sa mga kabataan nga anaa na sa mga tunghaan nga kuwang sa nutrisyon, o kadtong nasulod sa National Feeding Program, matud ni DepED Bohol SBFP focal person ug nurse Marjorie Ebojo.

Didto sa Kapihan sa PIA, gibutyag ni Ebojo nga ang nasudnong kagamhanan naghatag sa mga kabataan nga naa sa DepED sa init nga mga pagkaon, mga pagkaon nga puno sa nutrina sama sa mga milk buns, aron ika-abag sa kakuwang sa nutrina nga makuha sa mga bata gikan sa ilang gikaon, tungod usab sa ilang kakabus.

ANg mga pagkaon, nga makuha sa bata nga putot ug gaan ang timbang sa iyang pangedaron, makuha sa bata sulod sa 120 ka mga adlaw sugod sa Septembre.

Apan, may mga ginikanan nga una nga mingreklamo tungod sa kahasul sa pag-andam sa init nga mga pagkaon sa bata sa 120 ka adlaw, mao nga nangita og paagi ang goberno nga makahatag og solusyon.

Dinhi, pinaagi usab sa tabang sa Department of Science and Technology Food and Nutrition Research Institute (DOST-FNRI) napadangat ang usa ka pagkaon nga resulta sa research sa FNRI nga namataud-an nga may kompleto nga sahug alang sa mga kabataan nga kuwang sa timbang ug niwang.

Gisugyot sa DOST FNRI ang Rice-Mongo Curls (RiMO) Curls nga dili iglahi sa dagway sa mga junkfood.

Apan dili kini junkfood, pasalig ni Ebojo, kinsa bag-o lang nga niassume isip focal person sa Feeding Program.

Gihimo gikana sa ginaling nga bugas ug monggos ug gisabugan sa lami sa keso, ang RiMO usa ka pagkaon nga puno sa protina ug fiber nga makatagbaw sa ampay sa mga kabataan nga mamili na sa pagkaon.

ANg protina sa RiMO, magsuporta sa pagpalig-on sa kaunoran ug dugang kusog samtang ang calcium ug Vitamin D nga anaa sa Rimo, makaayo sa pagpalig-on sa bukog.

ALANG SA MGA AYDAAN. Sa mga kabataan nga makamao na mamili sa pagkaon, ang paghatag sa dagway og junkfoods mahimong iyang dawaton, mao nga gamit ang research sa ahensya sa goberno nga gitahasan sa pag-seguro nga puno sa nutrina ang pagkaon, gipagawas ang Rice Mongo (RiMO) Curls alang sa National Feeding Program, Matud ni nurse Marjorie Ebojo.