Turista sa iyang lugar

Discounts sa tourism

entrances, giduso na

TAGBILARAN CITY, Bohol (PIA)— Uwahi man, sa katapusan, matagamtam na gyud sa mga Bol-anon ang bugti sa ilang pagpanginlabut nga makatabang sa pag-atiman ug pagpatunhay sa kalikopan ug tabang sa turismo dinhi, human giaghat sa us aka gibag-o nga ordinansa ang pagtanyag og discounted rates ug espesyal nga mga pribilihiyo sa mga Bol-anon nga mosulod sa mga suroyanan sa turista, makuha sa serbisyo pangturismo ug mga kalihukan niini.

Kini ang nasukip sa Section 19 sa giduso nga Provincial Ordinance NO. 39-2025, nga gipanginahanan ni Board Member Jiselle Rae Villamor.

Ang section 19 nagtanyas sa Boholano Resident Discount Privilege ngadto sa mga Bol-anon nga makapakita sa kamatuoran nga sila taga dinhi pinaagi sa pagpakita sa ilang address sa Bohol pinaagi sa pagpakita sa us aka balido nga government-issued identification card nga magpakita sa iyang address sa Bohol o sertipikasyon sa us aka local nga kagamhanan sa kamatuoran sa giangkon.

Kabahin sa Boholano First Policy ug Local Resident Privilege, ang iduso-ay nga ordinansa mag-ila sa pagpanginlabut sa mga Bol-anon pinaagi sa pagtanyag sa mas barato nga entrance ug sa pagpaseguro nga mahatagag espesyal nga pag-atiman ang mga Bol-anon kon mosulod sa mtourism areas, mga programa, proyekto ug mga kalihukan sa turismo sulod sa Bohol.

Gawas pa, ang mga tourism establishments, operators, contractors, ug mga service providers giaghat usab sa paghatag og prayoridad sa mga kwalipekado nga mga Bol-anon sa trabaho, bansay-bansay, ug pagdugang mga katakus ug kahibaw sa mga trabahante sa turismo. (PIABohol)

DISCOUNTS SA MGA BOL-ANON. Giduso na, human sa dugay na nga panahon ang balaodnon nga maghatag og diskwento sa mga Bol-anon nga apil sa naningkamot aron motunhay ang turismo, kon sila mosulod sa mga suroyanan sa mga turista dinhi sa Bohol, subay sa ordinansahon ni BM Jamie Villamor. (PIABohol/RVO)