Bohol mingtala sa 0.2 rate

Sa inflation sa Disyembre

TAGBILARAN CITY, Bohol (PIA)—Halos mingsangad sa labing-ubos nga gutling ang pagsaka-kanaug sa presyo sa mga nag-una nga paliton sa buwan sa Disyembre, kanus-a natala usab ang labing ubos nga inflation rate sa 12 ka buwan sa 2025.

Didto sa binuwan nga pagtaho sa pagki-at sa presyo nga gipanid-an sa Philippine Statistics Authority (PSA) sa imaging semana, napakita didto nga sa pagbukas sa 2025, ang inflation rate nakaposte sa 2.7 porsyento, nga mingtaas pa ngadto sa 2.9 porsyento sa Pebrero ug Marso.

Sa Abril, nagsugod na og lihok paubos ang ginagmay nga tandog sa preyo sa 23 ka mga nag-unang paliton ug serbisyo, ngadto sa 2.0 porsyento, dayon na sa pagda-us-os niini ngadto sa 1.7 porsyento sa buwan sa pista sa Bohol.

Sa Hunyo, mipadayon ang pagkiat panaug ang dagan sa presyo ngadto sa 1.5 ug mas miubos pa ngadto sa 1.3 sa Hulyo, buwan sa Sandugo.

Pagka-Agosto, may dyutay nga tandog balik pasaka ngadto na sa 1.5 porsyento, dayun kana-u na usab sa Septembre ngadto sa 1.4 porsyento.

Pagka Oktubre, ang inflation, nga gikwenta, pinaagi sa pag-tipo sa inflation rate sa unang buwan, kuhaan sa inflation rate sa kasamtangan nga buwan, unya bahinon sa kasamtangan nga inflation rate, nagpakita sa inflation nga naa na sa 1.0 porsyento.

Sa Nobyembre, namatikdan sa PSA nga mingsaka ang inflation tungod sa paglihok sa mga presyo, nga nakatala og 1.6 porsyento.

Ug sa mga una nga nagbanabana sa dagan sa presyo nga mas mosaka pa sa Disyembre, daghan ang napakyas kay nagpakita nga mas mihinay pa hinuon ngadto nga sa 0.2 porsyento ang inflation sa Disyembre.

Tungod niini, mitala ang Bohol sa average inflation rate sa 2025 sa 1.7 porsyento, matud ni Alcazaren. (PIAbohol)

KINA-GAMYAN NGA LIHOK. Mingtala sa kinagamyan nga lihok ang presyo sa mga nag-una nga serbisyo ug paliton nga gikonsumo sa Bohol sa buwan sa Disyembre, matud sa PSA pinaagi ni CSS Jessamyne Anne Alcazaren. (PIABohol)