Paglawig padung sa Samar,

Surigao gisuspenso sa PCG

TAGBILARAN CITY, Bohol (PIA)— Temporaryo nga gisuspenso sa Philippine Coast Guard Eastern Bohol ang mga byahe gikan sa Bohol paingon sa Northern Samar, Eastern Samar, Samar, Dinagat Islands, Surigao del Norte ug Surigao del Sur, agi og pagpaneguro nga walay madisgrasyo samtang giisa na sa state weather bureau and Tropical Weather Cyclone Signal (TCWS) No 1 sa pilila la lugar sa Visayas ug Mindanao.

Ang aksyon sa PGC Eastern Bohol ngasandig usan sa PCG National Headquarters Memorandum Circular No 022-23 nga nailhan nga Revised Guidelines on the Movement of Vessel during Heavy Weather.

Sa nahisgutang MC, giingon nga as a general rule, walay sakyanan sa dagat sa bisan unsang kabug-aton o kadak-on ang tugotan nga molawig gawas lamang kon motago, kon iisa na ang TCWS sa lugar nga gigikanan o lugar nga padulngan.

Kaganinang alas 11 sa dapit kamudtohon, gipagawas sa state weather bureauy, ang Philippine Atmospheric Geophysical ug Astronomical Services Administration (PAG-ASA) ang TCWS sa bagyo nga giila nga si Ada (#AdaPH)

Ganinang alas 10 sa kamudtohon, ang gibantayan nga low pressure area nahimo na nga Tropical Depression (TD) samtang anaa sa 635 km kasubangan (East of) sa Hinatuan, Surigao del Sur (8.2°N, 132.1°E).

Dala niini ang maximum sustained winds sa 45 kmmatag oras duol sa sentro niini ug kalit nga huros ngamoabut sa 55 km/h, samtang naga-sibog paingon sa amihanang kasadpan (Northwestward) sa 35 km/h.

Ang panganond nga mingpandong sa mga apektadong lugar, moabut sa 500 kilometros gikan sa sentro sa bagyo.

Tungod niini, gipakayab na ang TCWS sa PAG-ASA sa Northern Samar, Samar, ug Eastern Samar sa VIsayas ug sa Dinagat Islands, Surigao del Norte, ug Surigao del Sur sa Mindanao.

Nanagana lamang ang PCG Eastern Bohol Coast Guard Station sa pagpabyahe sa mga pumpboats ug mga bangka sa mananagat nga adto mopalawod sa nahisgutang mga lugar diin may storm warning nga giisa. (PIAbohol)