PPOC reconstitution

PPOC Bohol may 3 SACs,

POPS TWG, Crisis Comm

TAGBILARAN CITY, Bohol (PIA)—Gawas sa kinatibuk-an nga konseho sa Provincial Peace and Order Council (PPOC), kini langkuban pa sa pipila ka Special Action Committees (SAC), lakip na ang Technical Working Group sa pagpahiluna sa mga programa ug proyekto sa Konseho ug sa Komitiba nga sangunan sa pagdumala sa krisis.

Kini karon ang gilantaw nga komposisyon sa pagreconstitute sa PPOC sa Bohol, subay sa mga panginahanglan niini.

Kon kasagaran nga mga konseho ilabi na sa lebel sa mga lalalwigan, may mga yano nga estraktura, ang panginahanglan sa mas dinali-an nga aksyon sa mga tulumanon ug mga tulubagon sa konseho nagduso sa sitwasyon aron bahigon pa ang konseho alang sa ginagmay nga mga special action committees.

Sa Bohol, gawas sa kinatibuk-ang konseho nga maog main body, anaa usab ang SAC on Anti-Insurgency, SAC on Anti-Criminality, SAC on Public Safety, ang Crisis Management Committee, ug ang Public Order and Public Safety (POPS) TWG.

Santang ang kinatibuk-ang konseho sa PPOC regular nga magtigum, mahimo nga ipatawaga lamang niini ang SAC sa unsa ang komitiba nga gikinahanglan alang sa mas dali ug mas paspas nga paghimo sa mga solusyon sa mga siluran nga gisagubang sa konseho sa us aka higayon.

Niini nga paagi, mas matutokan sa us aka espesyal nga konseho ang mga gimbuhaton sa dili pa kini iduso alang sa aprobal sa kinatibuk-ang konseho. (PIABohol)

PAGTUBAG SA PANGINAHANGLAN. Sa daku nga panginahanglan sa mga dinali-ang buhat nga gikinahanglan sa pagpanday sa kalinaw ug kahapsay sa Bohol, mahinungdanon kaayo ang mga espesyal nga mga komitiba sa tutok nga mga hisgutanan aron mas dali nga matubag ang mga panginahanglan, segun sa DILG. (PIABohol)