Drug clearing sa Bohol

Anaa sa 61% sa 2025

TAGBILARAN CITY, Bohol (PIA)— Anaa na sa 69.61 porsyento sa mga kabarangayan sa Bohol ang opisyal na nga napalingkawas sa gapus sa illegal nga drugas.

Kini maoy labing bag-o nga datus nga gipaambit sa Philippine Drug Enforcement Agency (PDEA) dungan sa labing bag-o nga tigum sa Provincial Peace and Order Council (PPOC) Sa Bohol sa miagi nga buwan.

Segun sa taho sa PDEA, sa 1109 ka barangays sa Bohol, may 17 na ka barangay sa lalawigan ang walay apektasyon sa illegal nga drugas sa pagsugod sa kampanya batok sa illegal nga drugas.

Gawas sa 17 ka barangay, malampuson usab ang hiniusa nga bahan sa PDEA, Department of Justice, Philippine National Police, Criminal Investigation and Detection Group ug mga anib nga mga ahensya sa pagpalingkawas sa lain nga 738 ka mga barangays taman sa Disyembre 2025, segun sa PDEA.

Alang sa 2026, ang rumbo mao na usab ang 354 ka mga nagpabilin nga mga barangay nga wala pa mapalingkawas sa illegal nga drugas, segun sa mga tinugyanan.

Ang sistema sa pagpalingkawas sa mga kabarangayanan magasubay sa mga lagda nga gisunod sa Regional Regional Oversight Committee on Barangay Drug Clearing (ROCBDC), subay usab sa mga masubay nga parameters sama sa mga dokumentaryo nga ebidensya, mga programa nga napatuman ug mga sumbanan. (PIABohol)