Tanyag sa amnestiya,

Duol nas pagkahupas

TAGBILARAN CITY, Bohol (PIA)— Sa dili na moabut og duh aka buwan, mahupas na ang tanyag sa nasudnong kagamhanan nga amnestiya ngadto sa mga kanhi armado ug askil nga naglihok sa hugpong walhon, aron mahimo na sila nga makalakawlakaw sa walay kahadlok nga dakpon aron patubagon sa ilang mga salaud.

Kini samtang gibugtaw na usab sa Provincial Peace and Order Council sa Bohol ang panawagan nagdto sa mga kanhi sakop sa kalihukan nga karon nabungkag na, nga mo-aplay alang sa amnestiya aron malimpyo ang ilang mga kalapasan sa balaod.

Ang amnestiy us aka legal nga buhat nga ikahatag sa usa ka otoridad sama sa Presidente ug sa Kongreso, nga makapasaylo sa mga katawhan gikan sa tumbok nga mga salaud nga kasagaran may kalabutan sa mga paglapas political.

Kon makakuha og amnestiya ang aplikante, hingpit na nga mapapas ang mga salaud nga iyang giatubang labi na kadtong napasaka tungod usab sa pagpalapad sa politikanhong pagtuo.

Ang pag-aplay sa amnestiya, taman lamang sa Marso 13, 2026.

Alang sa mga interesado nga aplikante, pwede sila nga makigsabut sa ilang kasaligan nga higala, kadugo o paryente nga maoy makig coordinate sa Local Amnesty Board sa Bohol, aron mapahiluna ang mga rekisitos alang sa pagkuha sa amnestiya, aghat ni Romeo Teruel, focal person sa PPOC ELCAC.

Ang Local Amnesty Board, anaa sa ground Floor sa Provincial Capitol, sulod sa Office sa PCDO. (PIABohol)

PAHIMUSLI SAMTAN ANAA PA. Gipanawagan ni Romeo Teruel sa PPOC ngadto sa mga kanhi armado ug askil nga naglihok sa hugpong nga walhon nga karon, nagpabiling nagtago, nga pahimuslan ang tanyag sa pasaylo nga gibugtaw sa kagamhanan. Ang amnestiya, taman lamang sa Marso 13, 2026. (PIABohol)