‘SSS Emergency Loan’

Program padayon pa

TAGBILARAN CITY, Bohol (PIA)— Padayon pa gihapon ang Emergency Loan Program (ELP) sa mga sakop sa Social Security System (SSS), kini maoy gipahibaw sa ahensya ngadto sa mga may panginahanglan pa, sa pagtikang sa 2026.

Ang ELP sa SSS, ngasugod pagbukas niadtong imaging tuig aron makahatag og tabang pinansyal sa mga sakop sa SSS nga nia sa Pilipinas ug apektado sa gikadeklara nga State of National Calamity (SONC).

Matud pa ni SSS President ug Chief Executive Officer Robert Joseph Montes De Claro, taman sa Disyembre 9, 2026 pa o hangtud libkason na sa Presidente ang SONC, nga pwede makuha ang emergency loan.

Kini usab samtang ang SSS magpatuman sugod sa Septembre sa ikaduha sa tulo ka hugna nga Pension Reform program diin masinati sa mga retiradong sakop niini ang usbaw sa pension.

Dugang niana, human maaprobahi sa SSS Commission ang guidelines alang sa micro-lending program nga itanyag na usab sa SSS, sa dili madugay, dayag sa mga opisyales niini.

“Uban sa paggiya ni Finance Secretary Frederick D. Go, ang SSS naglantaw na sa pagpatuman sa iyang micro loan program pinaagi sa mga kaabag nga institutions sa dili madugay,” saysay ni SSS President De Claro.

Nagpaabut na lamang ang SSS sa mas luwas ug sayon nga kapilian aron makapanghuwam na ang casha ang mga sakop alang sa ilang dinalian nga mga panginahanglan diin may 15-90 ka adlaw nga termino ug may 8% nga interest matag tuig, dugang niya.

Sa 2026, naglantaw gihapon kita nga ikapadayon ang pagpatuman sa mga programa nga nasugdan na, magpa-ugmad sa bag-ong mga programa ug magpalig-on sa pagpangalagad sa mga sakop samtang palapdan pa ang presensya ug tabang sa SSS alang sa mga trabahante sa pribadong sector sa nasud ug sa gawas sa nasud, dugang ni De Claro. (PIABohol)