Sa mga dali maapektohan

Pagpabakuna’ daku’g ikatabang

pagpanalipod sa grabe’ng sakit

TAGBILARAN CITY, Bohol (PIA)— Gihingusgan sa Department of Health (DOH) ang kamahinungdanon sa pagpangbakuna, dala sa daku nga ikatabang niini sa pagluwas sa kinabuhi.

Didto sa Kapihan sa PIA nga nagtuki sa nagkabaga nga sakit sa flu, ug apil na sa mga sakit nga pwede mapugngan sa pagpabakuna, gibutyag ni Dr. Van Phillip Baton, hepe sa DOH Bohol, ang kamahinungdanon sa bakuna.

Ang bakuna, mahimong dili 100% nga makapugong sa sakit, apan, makatabang kini

It may not prevent the infection, but it will definitely reduce the severity of the disease. It will prime the body to fight the infection more effectively, (mahimong dili kini makapapas sa posibilidad sa impeksyon, apan kini magpakunhod sa kagrabehon nga epekto sa sakit, kay pinaagi sa bakuna, pukawon niini ang lawas aron mas epektibo niini nga mabatukan ang sakit) dayag sa doctor didto sa programa sa radio.

May mga sakit nga kaya nga sumpuon usab sa tambal, apan sa mga sakit nga ang kina-ingnan mao ang virus, dili kini mopatuo sa tambal, mao nga ang mga diskarte sa mga doctor, ang pagtambal sa mga sakit nga nahikuyog sa viral infection.

Niining matang sa mga sakit nga virus ang kina-ingnan, bakuna lamang, dason sa doctor.

Nunot usab niini, aron mapanalipdan ang mga sector nga dali rang maigo sa sakit sa mga mga kabataan nga wala pa makompleto ang pag-ugmad sa ilang mga depensa sa lawas; sa mga hamtong nga hinay na ang depensa, mga mabdos, ug kadtong miagi na og mga medical procedures nga nakadaut sa ilang depensa sa lawas, i-update ang ka epektibo sa bakuna, aghat sa doctor.

Gipasabut sa DOH nga may mga bakuna nga ang pagpanalipod nga tanyag niini, igo lamang sa usa ka tuig, hinungdan nga may panginahanglan nga makakuha og booster niini.

Hinuon, sanglit ang goberno nga naghatagan sa libre nga bakuna sa flu ngadto sa mga hamtung wala pay kasamtangan nga stock sa bakuna, aghat sa mananambal nga kon gikinahanglan, magpabakuna gikan sa mga lain nga tinubdan.

Hinuon usab, dugang niya nga ang nakuha nga bakuna sa mi-aging tuig, mahimong may nagpabilin pa nga proteksyon batok sa sakit, hangtud na nga makapabakuna niining tuiga, kon anaa na ang igtutupok. (PIAbohol)

PALIG-ONON ANG ANTIBODIES. Alang sa mga bata nga wala pa makompleto og kalig-on nag ilang antibodies, kinahanglang kini nga natural nga moplaig-on niini, mao nga kasagaran, walay bakuna alang kanila. Hinuon, matud ni Dr Van Phillip Baton, kon may allocation na sa bakuna batok sa flu, alang sa mga bata, ila kining ipatuman. (PIABohol)