DILG Bohol nakadughit sa

Gold Seal sa GAD sa 20𝟐𝟒

TAGBILARAN CITY, Bohol (PIA)—Tungod sa napahiluna ug gipalahutay nga programa alang sa kababayen-an nga gisukip sa ilang mga pagpadagan sa operasyon sa buhatan, nakuha sa Department of Interior and Local Government Bohol Provincial Office ang DILG gold GAD seal alang sa 2024, sa bag-o lamang gitugyan nga pasidungog.

Si DILG Bohol Provincial Director Janjoan Mende ang mingdawat sa pasidungog sa buhatan sa gold DILG Gender and Development seal alang sa Fiscal year 2024, sa pagtugyan nga nahitabo didto sa Mezzo Hotel sa Sugbo, Enero 30. 2026.

Ang DILG Gold GAD Seal maoy labing taas nga certification program alang sa mga DILG offices nga napamatud-an nga perming nagpakayab sa mga prinsipyo sa Republic Act No. 9710 o ang Magna Carta of Women.

Kini pinaagi sa pagpasukip sa gender and development nga prinsipyo sa ilang mga sistema, polisiya, operasyon ug pagpadangat sa serbisyo.

Tumong sa GAD Seal certification program ang pagpahimong institusyon sa gender ug kaugmaran niini sa kinatibuk-ang departamento.

Programa nga gipasugdan sa DILG Region 12, gisagop ug gipamaayo pa sa DILG pinaagi sa hiniusang assessment indicators ug tulo ka ang-ang sa pag-ila: ang gold, silver ug bronze, subay sa kinatibuk-ang puntos nga nakuna sa pagtimbang-timbang.

Sa katungod sa Bohol, ang pagpamainstream sa GAD pinaagi sa malungtaron nga pagsubay sa polisiya, paggahum ug pagduso sa mga binag-ong inisyatiba, paggahin og pundo ug pagbahigbahig sa GAD budget ug pagpatuman sa mga programa ug interbensyon nga nagtubag sa panginahanglan sa kababaehan, nagpadugang sa iskor sa Bohol.

Matud ni PD Mende, ang award nagpamatuod lamang sa malungtaron nga paningkamot sa buhatan sa pagpahiusa sa gender and development sa gipatuman nga mga programa, polisiya ug sistema samtang nagpakita sa pagpanguna sa DILG aron mahimong sumbanan sa mga LGUS sa pagpatinuod sa lukop, maki-angayon ug gender-responsive governance. (PIAbohol)

KADAUGAN SA GAD. Gipaambit ni DILG Bohol Director Joan Joan Mende ang pasidungon nga nadughit ngadto sa mga gitagan-an niini: ang kababaehans a DILG bohol human nakuha sa Bohol ang DILG GAD Gold Sean sa tuga 2024 sa labing pag-o nga pagtugyan, sa imaging semana didto sa Sugbo. (PIABohol/DILG Bohol)