GAD Resource Center

Gibuksan sa Kapitolyo

TAGBILARAN CITY, Bohol (PIA)—Apil sa pipila ka ginagmay nga tikang nga gihimo sa Kagamhanan nga Probinsyal sa Bohol, ang bag-o lamang nga gibuksan Febrero 9, nga Gender and Development (GAD) Resource Center (RC), sa groundfloor sa bag-ong Kapitolyo.

Kini subay sa tinguha sa kagamhanan nga ikapa-asdang pa ang pagmaneho sa gender and development nga maapil sa sentro nga mga hisgutanan sa pagpadagan sa kagamhanan, matud ni Bohol Provincial Human Resource Management and Development (PHRMD) Officer Anne Mariquit Oppus, atul sa seremonyas pagbukas sa pasilidad nga may kaugalingong safe-space, may playroom alang sa mga kabataan nga ibilin isip daycare, may kiddie library, may conference room ug breastfeeding room, gawas pa sa mamahimong akses sa mga materyales nga makaykay kabahin sa gender and development initiatives sa Bohol.

Sa mga nahaunang inisyatiba, gipamatud-an sa Department of Health pinaagi sa Provincial Health Office ang PHRMD isip Mother- Baby friendly Workplace.

Ang pagbukas gikuygan usab sa pagsugod sa early childhood care sa GAD RC sa lat-anglat-ang nga paagi sa matag Biyernes, samtang ipadayon sa buhatan sa PHRMDO ang pagbukas niin sa ilang mga programa sa pagpagaan sa hunahuna sa mga empleyado sa Kapitolyo.

Padayon pa usab dinhi ang Wellness Program ilabi na sa kabataan ug mga empleyado: storytelling sessions alang sa kabataan; painting classes, music writing lessons sa mga empleyado gawas pa sa traditional Filipino games nga gipasiugdahan sa mga buhatan nga kaabag sa PHRMD, dayag sa babayeng opisyal.

Ang pagbukas sa GAD RC dugang nga pruweba nga ang Provincial Committee on Anti-Trafficking ug Violence Against Women and Children (PCAT-VAWC) highly functional, subay sa functionality assessment nga gihimo sa alang sa 2025.

Dugang pa, matud ni Oppus nga ang GAD SELYO sa REHIYON 7 2026; nakuha sa Bohol gikan sa Regional GAD Council tungod sa di hingtupngan nga paningkamot sa Bohol nga ikapakayab ang gender mainstreaming.

Sa Central Visayas, Bohol lamang ug Lapu Lapu City ang mga LGUS nga nakadawat niini, sulti ni Oppus.

Ang Provincial Council for Women usab sa Bohol, matud pa, shortlisted na isip usa sa ika-upat nga hugna sa LGUs nga gilantaw nga mahatagan sa Certified Gender and Development Local Learning Hub: human givalidate ang Bohol Youth Home ug ang GAD database sa Bohol.

Sa children’s play nook sa GAD RC, matud ni Oppus nga ang kabataan maoy tumong sa playhub tungod kay kini magpalig-on sa ilang kaugmaon isip lider sa umaabut.

We opened with children at the forefront…because this is all about them, and their future. For the GAD RESOURCE CENTER, this is all about them, pasabut sa babayeng opisyal. (PIAbohol)

PARA SA KABATAAN. Usa sa mga highlights sa bag-ong gibuksan nga GAD RC sa Kapitolyo ang early childhood care uy play center nga may mini library, gawas sa safe spaces, conference room ug breastfeeding room, nga nagduso sa mga hisgutanan sa women and children development. (PIABohol/PIMO)