GSIS Touch nakaabut na

Sa duha ka milyon users

TAGBILARAN CITY, Bohol (PIA)—Gisaulog sa Government Service Insurance System (GSIS) ang kalampusan niini sa tumong sa mas dali, mas sayun, mas paspas ug walay hasul nga serbisyo, nga dakung pruweba sa epektibo nga serbisyo dihang nga nakab-ot sa ahensya ang ika duh aka milyon nga membro nga migamit sa GSIS TOUCH.

Ang GSIS Touch maoy opisyal nga mobile application sa GSIS nga maghatag sa serbisyo sa ahensya sa mas sayun ug walay hasol pa nga mobisita sa buhatan aron maghimo sa mga transaksyon, labi na sa mga aktibong sakop sa GSIS Ginhawa ug GSIS Grand members.

Usa ka mobile application nga naghiusa sa electronic online members portal o (eGSISMO), Guide to Transaction and Processes (GTAP) ug ang Annual Pensioners' Information Revalidation (APIR).

Pinaagi sa GSIS Touch, ang mga sakop maka-akses sa ilang records, maka-himo na sa computation sa pilay pwede ma loan, maka-aplay sa loan, makamonitor sa status sa loan apil na ang pag-aplay sa retirement ug pag-upload sa mga gikinahanglang dokumento.

Matud ni GSIS President ug General Manager Wick Veloso, ang kalampusan sa pag-abut sa duha ka milyon nga migamit sa GSIS Touch, nagpakita sa kon ang serbisyo sa goberno gidesinyo sa panginahanglan sa mga sakop, mga pensionado.

Dugang ni Veloso nga ang ilang nakab-ot nagpalig-on sa ialng panaad nga ipamoderno ang serbisyo sa katawhan, ang pinaagi sa digitalization.

Ang digitalization, matud pa, dili lamang kabahin sa teknolohiya, apan usab sa pagpa-ugmad sa kinabuhi, pagdaginot sa panahon u gang pagpasayon sa mga proseso alang sa tanan.

Karon, pinaagi sa GSIS Touch, mahimo na nga makapagenerate og GSIS Digital ID, makapauli sa UMID cards.

Dayag sa GSIS, human ikalusad ang GSIS Touch, ang oras sa pagproseso napamubo sa 77% ug mahimo na nga gili na pisikal nga moadto sa mga buhatan sa GSIS. (PIABohol)

DOWNLOAD NA. Ang GSIS Touch maoy hiniusa nga application diin mahimo na nga makigtransact sa GSIS gamit ang cellphone ug dili na kinahanglan pang moadto sa opisina sa ahensya. Nakuha na sa GSIS ang ilang ika duh aka milyo nga membro nga nagdownload sa GTouch alangs a mas sayun nga serbisyo. (PIABohol)