‘Virgin Island’ buksan uban

Sa mas estrikto’ng palisiya

TAGBILARAN CITY, Bohol (PIA)— Sa pagbukas og balik sa Panglao Island Protected Seascapes (PIPS) ngadto sa mga turista ug mga kalihukan niini, ang tanan nga nga magpadala og turista nga mosawom (SCUBA), mo-snorkel kinahanglan na nga my balido nga business permit, akredited sa Department of Tourism (DOT) ug ang mga tag-iya sa mga bangka ug sakayan, rehistrado sa Maritime Industry Authority (MARINA)

Kinahanglan usab nga ang mga tour operators, mahisakop sa Green Fins Program alang sa luwas nga turismo ug magsubay sa patakaran sa pagtahud sa kalikopan.

Kahinumduman nga temporary nga gipa-undang ni Gobernador Erico Aristotle Aumentado human mingrekomendar ang mga tinugyanan sa kalikopan nga himoan una og tin-aw nga mga regulasyon ang mga kalihukan didto ug hatagan og higayon ang kadagatan sa PIPS nga makapahiuli.

Nataho kaniadto nga walay gipatuman nga regulasyon kay walay han-ay nga plano ang pagbisita sa lugar, nga mingresulta sa sobra kadaghan sa mga tawo, walay sikit nga nagbantay nga walay madaut nga mga gasang ug walay tataw nga mga utlanan diin himoon ang mga kalihukan.

Human sa usa ka tuig, ming rekomendar na usab ang Department of Environment and Natural Resources nga buksan na pagbalik ang Virgin Islands apan limitado na sa mga tawo ang maka-adto.

Karon sa pagbukas, ang tanan nga snorkling ug diving activities moagi na og regulated booking aron maschedule ug makontrolar ang kadaghanon sa mga tawo.

Dili na usab mahimo ang snorkeling ug diving activities nga mosubra sa kapasidad sa usa ka designated dive site, o snorkelling area, gawas pa nga kinahanglan na nga mag dive guide na nga magkuyog sa matag dive group ilabi na sa paglsubay sa mga gasangan ug pagtan-aw sa mga pawikan. (PIABohol)

GUIDED PARA DILI MOPADUOL. Sa mosuroy sa buksan pag-usab nga Virgin Island, dili na mahimo nga walay guide nga magbantay, aron dili maduol sa mga ihas nga mananap sama sa pawikan. (PIABohol)