SSS nagtugot sa accredited coops

nga makakolekta sa contributions

TAGBILARAN CITY, Bohol (PIA)—Aron paghatag og kasayon sa mga sakop sa Social Security System (SSS) sa pagtagak sa ilang binuwan nga hatagon, dili na kinahanglan nga moari pa sa mga buhatan sa SSS aron mabayad ang kontribusyon.

Kana kay matud pa sa SSS, nag-akredit na sila og 25 ka mga kooperatiba sa Central Visayas, apil na ang Talibon Credit Cooperative (Talcreco) dinhi sa Bohol nga pwede modawat og contribution payments.

Ang purpose man gud sa pag-accredit sa atong mga cooperatives as collection partners si SSS, kay sila authorized na sila nga modawat og contribution payments, saysay ni SSS Communications Analyst Sherwin Dan Solibaga, didto sa Kapihans a PIA.

Ang concern man gud sa mga voluntary members, apil na ang mga self employed: hasulan sila nga moadto pa sa opisina sa SSS aron mobayad sa monthly contributions, dugang niya.

Ang SSS may giingon na nga may 43 million ka sakop, ug gani, kinahanglan pa nila nga palapdan pa ang mga voluntary members mao nga giaghat ang mga kanhi sakop nga naundang og hatag sa kontribusyon sa pagbalik og hatag sa mga kontribusyon, kay kini mahimo na sa mga authorized collection partners.

Dili na kinahanglan pang moadto sa layo, mamplete, usa ka adlaw ang masayang kada bulan, aron lang makabayad sa kontribusyon, matud sa SSS.

Gawas sa pwede didto na mobayad, sa accredited coops, makatabang usab sila s amga sakop aron makanavigate sa online platforms, alangs a mga kasagaran nga transaksyon sa SSS. (PIAbohol)

GAWAS SA PARTNER INSTITUTIONS. May mga kooperatiba na nga gitugotans a SSS sa pagkolekta sa monthly contrubutions sa members aron mapasayon ang transaksyon ug makunhoran ang kahasol, matud ni Sherwin Dan Solibaga sa SSS. (PIAbohol)