NGCP: Gidili ang pagpalupad og tabanog duol

sa mga linya sa kuryente, mga substation

TAGBILARAN CITY, Bohol (PIA)--Ang National Grid Corporation of the Philippines (NGCP) nipahinumdom sa mga ginikanan ug local government units (LGUs) nga dili tugotan ang mga bata nga magpalupad og mga tabanog duol sa transmission lines, tower, substations, ug uban pang pasilidad sa kuryente.

“To avaoid power interruptions and ensure safety, please discourage kite flying activities near power lines and substations (Aron malikayan ang mga pagkabalda sa kuryente ug masiguro ang kaluwasan, palihog i-discourage ang mga kalihokan sa pagpalupad og tabanog duol sa mga linya sa kuryente ug mga substation),” panawagan ni Michael Ortega Ligalig, ang Senior Supervisor sa NGCP Visayas-Mindanao Grid Rules, Regulatory Affairs, and Development-Projects and Research Development division (GRRAD-PRD).

Matud pa nga niining panahon sa ting-init, ang mga insidente nagpadayon sa pagsaka.

Gi-awhag ni Ortega ang mga LGUs nga palig-onon ang pagpatuman sa anti-kite flying campaigns aron malikayan ang pagkabalda sa dagan sa kuryente ug pagsiguro sa kaluwasan sa komunidad.

Gipahinumdoman sa NGCP ang tanan nga ang maong mga kalihokan higpit nga gidili ubos sa Anti-Obstruction of Power Lines Act. (ECB/PIA7-Bohol)

Usa ka tabanog ang nakita nga nasangit duol sa usa ka power facility samtang ang NGCP nagpakusog sa ilang kampanya batok sa pagpalupad og tabanog duol sa transmission lines karong ting-init tungod kay ang maong mga insidente mahimong hinungdan sa line tripping ug power outages. (hulagway sa NGCP)