Pagsagop, mas gipadali,

Gipasayon sa RA 11642

TAGBILARAN CITY Bohol (PIA)—Mas gipadali, mas paspas, walay kuskos balungos ug mas barato na ang pagpangsagop, sukwahi sa kaniadto nga judicial process.

Kini maoy maayong balita nga bitbit sa mga tinugyanan sa Regional Alternative Child Care Office (RACCO-7), usa ka rehiyonal nga Buhatan sa National Authority for Child Care (NACC), sanga nga buhatan sa Department of Social Welfare and Development (DSWD).

Didto sa Kapihan sa PIA, gipasabut ni RACCO-7 Officer In Charge Concepcion Solera, nga gikan sa Republic Act 11642 o Domestic Administrative Adoption and Alternative Child Care Act of 2022, natukod ang NACC ug RACCO aron katutokan na ang pagpangsagop ipis nasudnong stratehiya sa pagsanong sa paghatag sa katugod sa tawo nga makaangkon sa ngalan.

Ug sanglit sa karaan nga balaod nga Domestic Adoption Act (RA 8552), inay sa DSWD na mokuha ang Certificate Declaring a Child Legally Available for Adoption (CDCLAA), adto na kini makuha sa RACCO.

Ang CDCLAA us aka dokumento nga ipagawas sa National Authority for Child Care (NACC) kanhi gikan sa DSWD, nga magdeklara sa us aka tawo nga gibiyaan, wala nag nagtagad, o gitugyan na sa mga gikinakan ngadto sa mga institusyon.

Kon makuha ana ng CDCLAA, ang maghupot niini makabaton na sa katungod nga iya sa mga ginikanan, human matibawas ang administratibo nga proseso sa pagsagop.

Gawas sa napabalhin nga CDCLAA, ang bag-ong balaod nagpalapad na usab sa mga pwede mosagop, magpabukas sa pugos nga papahibalo sa bata nga siya sinagop sa dili pa mag 13 anyos samtang nagpasayons a mga rekisitos sa application for adoption.

Ang labing tataw nga kabag-ohan, gikan sa labing menos us aka tuig nga proseso sa korte, karon nga ang proseso administratibo na ug adto mahitabo sa RACCO inay sa korte, may pagsagop na nga nahuman sulod sa tulo ka buwan.

Ug kay wala na magkinahanglan pa nga sa korte ang husay, wala nay abogado nga suholan sa matag pag-atubang sa korte, nga magpamenos sa gasto sa pagsagop.

Ang pagsagop sa us aka bata magtanyag kaniya sa permanente nga relasyon sa banay ug maghatag sa susamang katungod sa bata sa mga anak, apil na ang pagsunod sa katigayunan, mga benepisyo nga masinati sa mga sakop sa banay, pagsunod sa kabubot-on sa mingsagop nga ginikanan samtang maghatag kaniya sa permanente nga pinuy-anan. (PIAbohol)