PBBM nimando sa tibuok nasud nga

pagpalapad sa 62 ka BUCAS Centers

TAGBILARAN CITY, Bohol (PIA)—Gimandoan ni Presidente Ferdinand R. Marcos Jr. ang Department of Health (DOH) nga palapdan ang network sa mga sentro sa Bagong Urgent Care and Ambulatory Services (BUCAS) sa tibuok nasud, tungod kay ang 62 nga mga pasilidad sa programa nakaserbisyo na sa kapin sa 1.6 milyon nga mga pasyente sukad gilusad niadtong Marso 2024.

Ang BUCAS Centers naghatag og libreng serbisyong medikal sa outpatient nga mga nanginahanglan og dinaliang medikal nga atensyon apan wala magkinahanglan og admission sa ospital, epektibong naglihok isip mga ospital nga walay inpatient bed.

Kini nga programa gidesinyo sa pag-decongest sa mga emergency room sa dagkong mga tertiary hospital pinaagi sa pagdumala sa mga kaso nga mahimong matambalan sa usa ka outpatient nga basehan.

Ang mga serbisyo nga anaa sa BUCAS Centers naglakip sa pagpatambal sa pinaakan sa hayop, maternal ug child health care, hypertension ug diabetes management, dental services, family planning, ambulatory surgeries, adult ug pediatric immunization, first aid ug dinalian nga pag-atiman, cancer screening, HIV screening, mental health counseling ug nutrition support – tanan gihatag nga walay bayad.

Ang 62 ka BUCAS Centers nga kasamtangang naglihok sa tibuok nasod nakatala na og 1.6 milyones ka pasyente nga konsultasyon ug mga pamaagi gikan Marso 2024 ug Enero 2026, sumala sa DOH.

Gimandoan ni Marcos ang DOH nga dugangan ang mga BUCAS Centers aron mapaduol ang libre, accessible nga serbisyo sa panglawas ngadto sa mas daghang komunidad, subay sa pasalig sa iyang administrasyon nga palig-onon ang universal health care delivery ubos sa Republic Act 11223.

Mahimong pangitaon sa mga Pilipino ang labing duol nga BUCAS Center pinaagi sa pag-scan sa QR code sa opisyal nga komunikasyon sa DOH o pagbisita sa opisyal nga digital platform sa departamento.

Sa lalawigan sa Bohol, adunay duha ka BUCAS Centers – ang sa syudad sa Tagbilaran nga nahimutang sa Tagbilaran City Primary Care Facility ug ang Trinidad BUCAS Center nga nahimutang sulod sa Trinidad Health Care Facility sa maong lungsod. (ECB/PIA7-Bohol)

Ang Tagbilaran City BUCAS Center nga nahimutang sa Tagbilaran City Primary Care Facility. Ang maong center bukas gikan adlaw nga Lunes hangtod Biyernes gikan sa alas 8:00 sa buntag hangtod sa alas 10:00 sa gabii. Gidisenyo kini aron mamenosan ang paghuot sa emergency room sa Gov. Celestino Gallares Memorial Medical Center (GCGMMC), pinaagi sa paghatag og dinalian nga mga serbisyo sa pag-atiman, lakip na ang mga minor nga operasyon ug mga serbisyo nga ancillary. (ECB/PIA7-Bohol)