PCA: magpaturok, magtanum,

Manglubihan, may masapi na

TAGBILARAN CITY Bohol (PIA)—May masapi sa pagpaturok ug pagpatanum pa lamang og lubi, ug mas daku pa ang masapi kon ang gitanum, makapamunga na, kini maoy gipasalig sa Philippine Coconut Authority (PCA).

Gani, bayaran nila og tag P35 ang mag-uuma sa lubi nga makapaturok sa usa ka lubi diha sa nursery, lain pang P25 sa matag lubi nga tugkan nga makaabut og usa ka piye ang katas-on, samtang kon matanum na kini, bayran nay sab sa PCA ang mag-uuma sa P35 ang matag lubi nga natanum sa matag 8 ka metros ang interval.

Kini ang gibutyag ni PCA Bohol general manager Jovencio Felisilda, didto sa Kapihan sa PIA, samtang iyang gipadayag ang massive coconut plnating programa sa kagamhanan.

Matud niya, ang giprograma sa kagamhanan, mao nga makatanum og 100 milyon ka lubi sa pagtak-op sa 2028.

Ang tumong, aron makuha og balik sa Pilipinas ang status isip nag-unang coconut producer sa tibuok kalibutan, dugang ni Felisilda.

Nunot niini, bisan kon ang gitarget alangs a Bohol, 200 mil ka lubi human sa 2028, gipadayag ni Felisilda nga kaya sa Bohol abton ang 4 ka milyon ka lubi nga matanaum sa 2028.

Niini, ang PCA nagapadagan sa Participatory Coconut Planting Program diin ang mag-uuma mismo nga magtanum maoy magpaturok sa lubi nga mahimong kadtong matang nga molayug o kadtong dwarf nga gipadaghan na usab sa PCA.

Alang niining mga mag-uuma sa lubi nga buot mosalmot sa programa, angay nga mopahibaw sa PCA, aron katabangan, kaabagan sa mga kasayurang teknikal ug masugdan na ang documentation.

Gawas pa, himoan usab sa PCA ang mag-uuma u gang umahan nga gitamnan sa lubi sa monitoring and evaluation. (PIAbohol)

ARON MAS MASAPI PA. Gitun-an sa PCA karon ang mga lakang aron ang 70 porsyento nga masayang kon ang lubi igo lamang sa pagkopras, aron masulit ang kita sa mga mag-uuma sa lubi tungod sa ilang puhunan nga kahago, matud ni Jovencio Felisilda, manager sa PCA Bohol. (PIABohol)