Dagyawan 2026 sugdan

Na usab uban sa DILG

TAGBILARAN CITY Bohol (PIA)— Pinangulohan sa Department of Interior and Local Government (DILG), sugdan na usab sa mga tinugyanan sa Bohol ang paghiusa sa mga kahinguhaan aron ikapatuman ang Dagyawan sa Barangay ug Talakayan sa mamamayan sa sunod buwan.

Kini usab samtang nay 41 ka mga barangay sa 20 ka mga kalungsuran sa Bohol ang giprograma sa nasudnong kagamhanan nga himoan sa nasampit nga mga kalihukan.

Ang Dagyawan sa Barangay, usa ka kalihukan diin ang mga nasudnong ahensya sa kagamhanan magbitbit sa ilang mga nag-unang serbisyo ngadto sa nga hilit nga barangay samtang hatagan ang katawhan sa kahigayunan nga mabati mismo sa mga ahensya ang ilang mga panginahanglan.

Mag natumbok nga geographically isolated and disadvantaged areas, kining 41 ka mga barangay nahi-apil usab sa mga lugar nga kanhi nasakop sa impluwensya sa walhong kalihukan ug gidudahan nga balikan sa mga nagpabiling wala mosalikway sa ideoyoliya sa komunismo.

Lakip sa mga nasukip nga kalungsuran ug barangay ang tulo ka barangay sa Alicia, usa sa Antequera, tulo sa Balilihan, usa sa Batuan, duha sa BilarTagsa sa Buenavista ug Candijay, duha sa Carmen, usa sa Catigbian, duha sa Duero, usa sa Guindulman, usa sa Inabanga, tulo sa Loon, tagsa sa Mabini ug Pilar, tulo sa San Isidro, duha sa Sevilla, lima sa Trinidad, usa sa Tubigon ug lima sa Ubay.

Gipasiugdahan sa DILG, ang bag-ong Dagyawan sa Barangay sa 2026, magtugot usab sa mga local development planners sa barangay sa pagtumbok, pagplano ug pagpatuman sa ilang mga giprograma nga mg imprastraktura nga makaayo sa katawhan sa barangay. (PIABOhol)

DUHA KA PUNDOK. Gawas sa regular nga Abante Caravan, mobalik na usab ang Dagyawan sa mga lugar nga mao ra usab ang gitarget sa mga ahensya sa goberno duyog sa whole of nation approach. Mas maayo ang coordinated approach sundon sa mga umaabut nga Dagyawan, sugyot ni 47IB commander Major Jayrod Cabahug, kaymahimo nga may mga barangay nga may tumbok nga panginahanglan nga matubag dayun nga dili na magkinahanglan pa nga dalhon ang tanang resources, aro usab mas mapadali ang pagtibawas sa programa. (PIAbohol)