KABAG-OHAN SA SY 2026-27

Tulo ka grading terms

Gipatuman sa DepED

TAGBILARAN CITY Bohol (PIA)— Sugod niining school year, ipatuman na sa Department of Education (DepED) ang tulo ka term nga tuig, nga lakip sa mga gisaad sa goberno nga kunhoran ang trabaho sa mga magtutudlo.

Inay mag-andam ug magkwenta og grado sa kabataan alang sa First, Second, Third ug Fourth Grading Periods, tulo na lang ka periods ang andamon, butyag ni DepED Bohol Division Superintendent Dr. Fay Luarez, didto sa Kapihan sa PIA.

Sa tulo ka termino, ang una magsugod sa Hunyo 8 ngadto sa Septembre 15, dayon sa Septembre 16 ngadto sa Disyembre 18, ug ang ika tulo sa Enero 4 ngadto na sa Abril 8, dugang ni Dr Luarez, sa Kapihan.

Sulod sa usa ka term, adunay mga adlaw nga gigahin alang sa opening block kanus-a mahitabo ang orientation ug mga sinugdan nga kalihukan sa school year, pasabut sa DepED.

Human niini, anaa ang instructional block nga gitagana alang sa walay bugto nga klase ug pagkat-on sulod sa 55 ka mga adlaw.

Dayon mosunod ang end of term block nga gitagana alang sa pagkwenta sa mga grado, pagpang-apud-apod sa mga report cards, paghimo sa mga extra curricular activities, duha ka adlaw nga teachers’ wellness break ug upat ka adlaw nga bakasyon sa mga estudyante, dugang sa opisyal sa DepED.

Sa una nga term, ang pulos instructional block magsugod sa Hunto 15 ngadto sa Septembre 1, adtong ang end of term block na.

Sa ikaduha nga term, ang sintructional block magsuhgod dayon sa Septembre 16 ug mahuman sa Disyembre 4, sundan na sa end of term block apil ana ng Christmas program ug party.

Sa ikatulo nga term, ang instructional block magsugod dayon sa Enero 4 ug mahuman sa Marso 23, ug mosunod na ang end-of-term block taman sa Abril 8.

Sa instructional block, giseguro sa DepED nga dili na mabalda pa ang pagklase, maghatag ghigayon alang sa breaks sa mga bata ug pagtimbangtimbang sa programa ug pagpatuman niini gawas pa nga makunhoran ang trabahoon s amga magtutdulo nga dili na mahimong epektibo sa trabaho tungod sa nagsapaw nga mga buhatonon. (PIAbohol)

TRIMESTER. Tulo na lang ka grading periods, mas gipalig-on nga Senior High School Curriculum ug mas kunhod nga trabaho sa mga magtutudlo nga permi sangonan sa mga bug-at nga responsibilidad, kini ang pipila ka mga Makita nga kausaban sa DepED SY 2026-2027, matud ni Dr Fay Luarez, division superintendent. (PIAbohol)