Kapitolyo makig MOA sa mga

DUs, sa pagpakabit sa CCTVs

TAGBILARAN CITY Bohol (PIA)— Alang sa mas epektibo nga pagbantay sa mga krimen, ug pagmonitor sa mga katalagman, gilaraw sa Kapitolyo nga molagda og Memorandum og Agreement tali sa mga power distribution utilities aron makasakay sa ilang koryente ang mga gipahimutang nga closed circuit television (CCTV) cameras sa Provincial Disaster and Risk Reduction Management Council.

Gitaho sa PDRRMC nga magpahimutang na usab agi og expansion sa ilang mga nakamontar na nga CCTV Cameras, sa power over internet (POE) switche nga mokaon og 93 kilowatts nga koryente, tulo ka bullet type CCTV Cameras, lite beam nga mopasa sa internet wireless signal gikan sa mga camera tadlas sa tag-as nga distansya aron dili na kinahanglan pang linyahan ang mga camera, ug lain pang pan-tilt-zoom cametra nga mokaon usab og koryente.

Gihandum sa PDRRMC nga kahatagan sa mga DUs og pabor ug librehon na lamang ang koryente nga magamit samtang nakataug ang cameras sa mga poste sa Bohol Light Company ug sa Bohol Electric Cooperative.

Apan, segun sa mga tinubdan sa mga DUs, kasagaran sa ilang mga deals, kwentahon ang flat rate sa 24 hour operation sa us aka ekipo nga ikonek sa linya sa mga DUs, ug kini usab mahimo nga basehan sa bayranan.

Samtang dili mahimong malibre tungod kay ang uban nga mga LGUS naghimo usab niini nga pamaagi sa streetlights, ug susama nga polisiya ang ilang gisagop: ang paggamit sa flat-rate nga pamaagi sa pagkwenta sa bayranan.

Nunot niini, gihukman ni Provincial Administrator Asteria Caberte nga ipaagi sa MOA sa Kapitolyo ang sabut kabahin sa CCTV Cameras nga mosakay sa linya sa DUs, alang sa mas sayon nga kwentada. (PIAbohol)

MAKIG-MOA SA DUs. Kini maoy hukom sa PDRRMC kabahin sa ilang hnagyo nga makagamit sa koryente sa mga poste ang mga CCTV Cameras nga gigamit sa Bohol alang sa pagpugong sa krimen ug pagmonitor sa mga katalagman. (PIAbohol)