KAUSABAN SA CURRICULUM

Trimester ipatuman,

SHS: 5 subjects na

TAGBILARAN CITY Bohol (PIA)— Sa tumong nga makunhoran sa gimbuhaton ang mga magtutudlo, ang pagpatuman sa tulo ka semester sa nga eskwelahan sa nasud gilantaw usab nga magpahiluna sa mas tutok nga instruction, may ikapahimutang nga assessements.

Kini maoy gipadayag ni Bohol Division Superintendent Dr. Fay Luarez, didto sa Kapihan sa PIA.

Gikan sa upat ka grading periods, sa tri-mester, tulo na lamang ka preparasyon sa mga maestra aron mahimo og grado, kini maoy labing tataw nga resulta sa paningkamot nga kuhaan ang puno na sa trabaho nag mga magtutudlo aron mas maepektibo kini sa ilang gimbuhaton.

Sa tri-mester nga sugdan pagpatuman karong tuiga, and una nga term magsugod sa June 8 ug mahuman sa September 1; ang ikaduha nga term magsugod sa September 16 ngadto sa December 18; ug ang ika tulo nga term, magsugod sa Enero 4 ngadto sa Abril 8, pasabut ni Dr. Luarez.

Sulod sa term, mas nindut siya kay naa siya’y opening block nga 5 ka adlaw samag orientation, ang instructional block nga walay laing mahitabo kon dili focused ra gyud sa instruction, ug ang end block, diin didto na ang mga extra curricular activity.

Matag human sa usa ka term, aduna pa gihapon ang semestral break, dayag sa DepED.

Gawas sa trimester, laing kausaban sa school 2026-2027 mao ang alang sa Senior High School, matud sa DepED.

Sa SHS, gipakusog ang curriculum alang sa mas focused nga pagkat-on.

Usa niining mga tataw nga kausaban ang paghimo nga lima na lamang ka tutok nga subjects gikan sa kanhi nga 15 ka mga subjects.

Ang lima mao ang Effective Communication, General Sciences, General Mathematics, Philippine History u gang Life and Career Skills.

Gawas usab sa kasagaran nga strands sa SHS, gipulihan na kini sa duha ka strands na lamang nga kapili-an: ang Academci strand ug ang technical vocational livelihood strand, dugang ni Dr. Luarez.

Kini usab ang magtulak sa mas gipatas-an nga higayon alang sa work immersion nga moabut sa 320 ka oras, alang sa mas segurado nga pagkat-on. (PIAbohol)

TUTOK NGA INSTRUCTIONS. Dili na masagbat sa bisan unsa nga extra curricular activities kon anaa pa sa instruction block sa semester, pasabut ni Dr Fay Luarez, superintendent sa DepED Bohol, didto sa Kapihan sa PIA. (PIABohol)