Mas daghang banay nga kahimtang

mi-arang-arang sa 2023 kay sa ‘18

TAGBILARAN CITY Bohol (PIA)—Sa pamaagi nga gitawag og Small Area Estimation (SAE) subay sa batakan usab nga gigamit sa World Bank, napakita nga sa 2023, napakita sa Philippine Statistics Authority (PSA) nga gikan sa 2018 ngadto sa 2023, ang kalungsuran nga gibahig sa gibanabana nga sumbahan sa kawad-on, nagpakita nga mas dyutay na ang katawhan sa kalungsuran nga nagpabiling nakigbugno sa kawad-on.

Ang SAE mibahig sa poverty incidence subay sa mosunod nga batakan: Level 1 (kon may 20% paubos sa populasyon ang may kinitaan (income) nga ubos sa poverty threshold ; Level 2 kong may 20.1 ngadto sa 40.0% sa populasyon niini may kinitaan nga ubos pa sa poverty threshold; Level 3 kon may 40.1% ngadto sa 60% sa populasyon niini ang mikita og ubos pa sa gilansang nga poverty threshold.

Ang sumbanan nga gisagop sa PSA nga base usab sa gigamit sa World Bank pag-ila sa poverty Incidence, may lima ka level classifications, ug nagkwenta sa sagol-sagol ug nagkadaiya nga datus gikan sa 2020 Census of Population and Housing (CPH); ang gihiusang datasets sa 2023 Family Income and Expenditure Survey (FIES) ug ang January 2024 nga hugna sa Labor Force Survey (LFS).

Apil usab niini ang 2023 Updating sa mga List of Establishments (ULE); ug uban pang tinubdan sa mga datus sama sa 2023 Nighttime Lights nga gi-tigum sa Earth Observation Group sa Colorado School of Mines.

Kining tanan maoy gibasehan sa pagtumbok sa poverty incidence gamit usab ang poverty threshold sa Bohol nga diha pa sa ₱30,981, o katumbas sa ₱2,581.75 matag buwan.

Segun sa SAE nga gigamit sa PSA, gikan sa 2018 ngadto sa 2023, mas daghan na nga kalungsuran sa Bohol ang mingsaka sa ilang classification ngadto sa level 1, timaan sa mas ubos nga poverty incidence kay sa nahauna nga mga tuig.

Gikan sa 2018, gikan sa 19 ka mga kalungsuran nga naa sa Level 1, napun-an na kini ngadto sa 26, sa pagka 2023.

Sa laing bahin, gikan sa 2018, ang mga kalungsuran nga diha sa Level 2, mas mingkunhod gikan sa 29 ngadto sa 22 na lang ka lungsod,.

Gamit sa mao gihapon nga batakan, wala nay lungsod sa Bohol nga miabut sa 40% sa populasyon ang mingkita og ubos pa sa P30.981.00 isip poverty threshold.

Gani, may usa ka lungsod sa Bohol nga nagpakita sa 9.8% poverty incidence, nga nagpadayag nga dili na makaabut sa 10 ka porsyento sa iyang populasyon ang nanimuyo ubos sa poverty threshold. (PIAbohol)