Mercury Drug, Generika modawat

Na og Guarantee Letter sa DSWD

TAGBILARAN CITY Bohol (PIA)— Alang sa mga benepesaryo sa Department of Social Welfare and Development (DSWD) Assistance for Individuals in Crisis Situations (AICS) nga nanginahanglan og tambal, madawat na ang nakuhang Guarantee Letters (GLs) didto sa mga Mercury Drug branches ug Generika Drugstore sa tibuok nasud.

Kini human gitibawas sa DSWD ang kasabutan niini tali sa mga parmasya aron mas mapasayon ang pagpanghatag sa hinabang sa tambal sa gobyerno subay sa AICS.

Nunot niini, 262 ka Mercury Drug branches ug 238 ka Generika Drugstore branches sa tibuok nasud modawat na, kon inay kwarta ang gamiton sa pagpalit sa gikinahanglang tambal, guarantee letter sa AICS na and itunol.

Segun pa sa taho, ang pagpatuman niini, nagsugod sa Hunyo 17 sa Generika Drugstore, dayon sa Mercury Drug sa Hunyo 22.

Ang Guarantee Letter (GL) usa ka opisyal nga dokumento nga iya sa DSWD nga nagpasalig sa makadawat niini, nga ang gobyerno maoy mobayad sa kuhaon nga produkto o serbisyo.

Ang naghupot niini, igo na lang motunol ngadto sa parmasya nga modawat sa programa ug iya na nga makuha ang gikinahanglang tambal, o gamit sa masakiton, pasabut ni Kongresista Vanessa Aumentado.

Ang GL makuha gikan sa DSWD Field Office o sa Social Welfare and Development Office (SWDO).

Hinuon, matud ni Kongresista Vanessa Aumentado, kinahanglang pangitaon ang pahibaw nga gipatik sa drugstore nga “DSWD Guarantee Letter is accepted here.”

Dugang sa Kongresista, dinhi sa Bohol, ang mga Mercury Drugs nga modawat sa guarantee latter mao ang mosunod: Mercury Drug CPG, Mercury drug Manga, Mercury Drug JA Clarin, Marcury Drug Jagna, Mercury Drug Talibon ug Mercury Drug Ubay. (PIAbohol)